Þegar konferensráðið kemur! Nei, þegar Halla Tomm kemur, ho-ho-hoooj ...

Ekki má minna vera en að Íslendingum verði boðið uppá að minnsta kosti eina auðvaldskerlingu í hönd farandi forsetakosningum. Halla Tomm, sennilega eitthvað skyld Sóley Tomm, hefir um árabil lagt sitt gullhúðaða lóð á vogaskál græðginnar, peningahyggjunnar og hrunpólitíkurinnar við gífurlegan fögnuð yfirstéttar- og efrimillistéttarkérlínga sem segjast vera fémínístar. Nú, Halla Tomm kveðst vera mikill vigdísarfinnbogadóttiraðdáandi og lofar því að verða frú Vigdís endurborin gjöri þjóðin hana að forseta og halda áfram, hvar frá var horfið, að gróðursetja heimulu og fífla við öll viðeigandi og óviðeigandi tækifæri. Þannig megum við eiga von á að eignast annan, eða ölluheldur endurborinn, últrasnobbaðann gróðursetningaforseta með snörpu auðhyggjuívafi.

Ég þykist viss um, að allrahanda auðvaldskérlíngum er innanbrjósts, vegna framboðs Höllu Tomm, eins og Runólfi Jónssyni í Brekkukoti þegar hann stóð á tröppum prestaskólans og sagði ,,þegar konferensráði kemur! þegar konferensráðið kemur, ha-ha-haaaahh!, nema auðvaldskérlíngarnar gaula auðvitað ,,þegar Halla Tomm kemur! þegar Halla Tomm kemur! ho-ho-hoooj!

Þó svo að frú Ingveldur sé ákafur stuðningsmaður einkaframtaks, græðgi og auðvalds, þá er hún ekki par hrifin af framboði Höllu Tomm af því að hún stendur á því fastara en fótunum að hún sé systir Sóleyjar Tomm fílí-romm-bomm-bomm og auk þess hefir frú Ingveldur haft í hyggju að bjóða sjáfa sig fram til forsetaembættisins fyrir hönd frjálshyggjukapítalista og péééníííngagéðsjúklinga. Er nú íllt í efni og hyggur frú Ingveldur á hefndaragerðir vegna framhleypni Höllu Tomm og óviðunandi ætternis hennar.

Sárið í samfélaginu enn til staðar

Athugasemdir

[Jón Valur Jensson, 18.3.2016 kl. 04:05]

Sprenghlægilegur pistill sem oftar, Jói, maður er ekki hálfnaður með lesturinn þegar maður í hláturkasti lækar fyrirbærið.

[Aztec, 18.3.2016 kl. 04:49]

Ég veit að það er ógnvekjandi að það skuli vera svo margir femínistar sem eru Tómasdætur, en ég verð að benda þér á að Halla er ekki systir Sóleyjar. Þær eru hvorki samfeðra né sammæðra, sem er skilyrði fyrir að vera systur. Hins vegar eru öfgafemínistarnir Sóley, Þóra og Kristín systur og eiga sömu femínistamömmuna.

Ég veit ekki hvernig þér varð við, þegar fyrrum flokkssystir þín, hún Katrín hætti við framboð, en það er augljóst að femínistarnir sem eiga tímaritið Stundin hafa ekki fattað það, því að þær kalla Katrínu ennþá næsta forseta Íslands.