Þá er leiknum að verða lokið og við tekur búsýsla að Hrafnabjörgum

Jæja, þá skondraðist blessaður forsætisráðherrann fyrir eigin vélarafli yfir strikið og fyrir hin pólitísku björg. Hann telur semsé, greyið atarna, að hann hafi aungvar siðferðilegar skyldur af því að hann er svo upptekinn við að setja einhver heimsmet sem hvergi hafa fengist skráð nema í höfðinu á honum sjálfum. Já, bóndinn á Hrafnabjörgum lætur ekki að sér hæða fremur en fyrri daginn.

Það hefir löngum verið þannig að siðferði hefir aðeins verið ómerkilegt pjátur sem þvælist fyrir í huga framsóknar- og sjálfstæðismanna og þeir ekki skyldugir til að fara eftir þessháttar hégóma. Það þykir þeim eðlilegt. Því miður hafa kjósendur enn sem komið er ekki komið auga siðleysið, hrokann og græðgina sem er megininntak stjórnmálastefnu ríkisstjórnarflokkanna; en ef kjósendur opnuðu glyrnurnar, þó ekki væri nema til hálfs, og leyfðu heilbrigðri dómgreind að ráða gjörðum sínum á kjördag heyrðu þessir bófaflokkar þegar í stað sögunni til. 

En nú er gleðileikurinn búinn hjá heimsmeistaranum Sigmundi Dávíð og fátt annað í stöðunni fyrir hann annað en að fara að huga að vorverkunum heima á Hrafnabjörgum, en þau hafa víst setið á hakanum um nokkuð langa hríð. Þar verður til dæmis enginn sauðburður í vor þar eð fjárhúsin eru jafn galtóm af lifandi skepnum og fjósið og hænsnakofinn. En máske splæsir eiginkonan fáeinum milljonum af tortólapéníngum í uppbyggingu á Hrafnabjörgum; kaupir fáeinar rolluskjátur og svo sem eins og eina kú til að gleðja bónda sinn, sem hefir verið settur af sem heimsmeistar ríkisstjórnarinnar og aðstoðarmannahersveit hans rekin heim þegar síðustu snjóa leysir að Hrafnabjörgum í vor.

Bar ekki skylda að segja frá

Athugasemdir

[Örn Ingólfsson, 24.3.2016 kl. 09:59]

Alls ekki senda þetta viðríni að Hrafnabjörgum hann getur hýrst á sínu eyðisetri ég skal kaupa handa honum tjald á reyndar eitt gamalt Pólskt tjald með súlum, tjaldhælum og öllum spottum en það tjald er ekki myglað eða með neinni fúkkalykt!!

[halkatla, 24.3.2016 kl. 10:58]

Svona pakk á ekki að fá að umgangast dýr!