Sköpunarverkið sem varð að óhrjálegum bastarði í höndum andlegra kroppinbaka

Hver hefði trúað því þegar Vinstrihreyfingin grænt framboð var stofnuð að 15 árum síðar væri sá flokkur orðinn svo úrkynjaður, útþynntur og útflattur sem raun ber vitni og búinn að setja litlaust skraut útí stofuglugga sem það kallar formann. Við sem héldum að VG myndi verða alvöru róttækur vinstriflokku, með öðrum orðum flokkur róttækra sósíalista, höfum mátt éta allar slíkar væntingar ofaní okkur og viðurkenna að VG lenti í klónum á sérlega óheiðarlegu og siðlausu fólki sem gerði þennan flokk vonarinnar að óhrjálegum bastarði, stjórnmálalegum krypplingi sem vinnur blygðunarlaust gegn þeim hugsjónum sem við ætluðumst til að hann berðist fyrir.

Og þegar litla sæta litlausa gluggaskrautið kemur fram fyrir þjóðina fyrir hönd eigenda sinna, þeirra Steingríms, Álfheiðar og Svavarsfjölskyldunnar, - já og Ögmundar því ekki má gleyma garminum Katli, og leggur til þingrof og kosningar þá fer manni ósjálfrátt að líða eins og manni sem einhver undirmálsbesefi er a reyna að gera narr í. Yngra fólk kallar þessa tilfinningu aulahroll, sem er þokkalegt orð yfir fyrirbrigðið í þeim skilningi að fólk eins og til dæmis gluggaskrautið og eigendur þess vekja fólki hroll með því að tala til þeiss eins og það sé samsafn af aulum, jafnvel hlandaulum.

Einhverju sinni átti merkur læknir að hafa sagt við málglaða frú sem kom á stofuna til hans: Það vildi ég að ég mætti segja yður að halda kjafti. Á sama hátt langar mig á kurteislegan hátt að segja loddaraslektinu sem skipar framvarðarsveit VG að halda kjafti, skammast sín og skríða inní músarholu auðvaldsins þar sem hún á sín óðul.

„Tökum þá bara á orðinu“

Athugasemdir

[Aztec, 30.3.2016 kl. 20:53]

Já, bezt er að fá kosningar toute suite. Þá er von til þess að óbermin þrjú, VG, BF og Samfó muni detta alfarið af þingi. Þá geta Píratar og Framsókn myndað ríkisstjórn saman og gefið skít í Sjálfgræðisflokkinn.

[Jóhannes Ragnarsson, 30.3.2016 kl. 21:29]

Þetta hljómar, Aztec, hjá þér eins og blautur draumur geggjaðs framsóknarmanns. En auðvitað sitjum við eftir sem áður uppi með sama auðvaldsraskatið hvort heldur það verður kosið núna eða á næsta ári. Því miður er nákvæmlega ekkert sem bendir til annars.