Taðberinn ehf. í starholunum að nýta túrismann á hagkvæman hátt

Ekki er nóg með að Bergrisi ehf. sé að fara af stað með fjárplógsbrall er hefir að markmiði að hafa fé af fólki fyrir það eitt að fá að kúka og pissa, heldur er einkahlutafélagið Taðberinn í startholunum með að fénýta það sem fellur frá ferðalöngum í spreng. Taðberinn ehf. var sett á laggirnar í vor með tilstilli fjárfesta, kaupsýslumanna og lífeyrissjóða og er ætlunin að framleiða kattarmat, krydd og sælgæti hvernig í fjandanum þeir fara að því, en sem kunnugt er einkaframtakinu ekkert um megn nútildags fremur en litla sósíalistanum frá Nazaret þegar hann breytti blávatni í rótsterkt brennivín, sem 5000 manns urðu blindfullir af útí guðsgrænni nátúrunni.

Og vart er annað hægt að segja en framfaraskref Taðberans ehf. hafi vakið athygli virðulegra æðri fjármálamáttarvalda fyrir norðan land eins og eftirlætishúskarls gömlu Framsóknarmaddömunnar, sjálfs Kaupfélagsstjórans gifturíka á Sauðárkróki. Hinn gifturíki hefir sem sé strax uppi garaleg áform um verksmiðjurekstur til að annast úrvinnslu á túristataði með styrk frá vinveittum ráðherrum og ráðuneytum. Svona eiga bændur í Skagafirði að vera, enda fórst menningu þeirra afskaplega vel við Hjálmar frá Bólu.

Annars vóru skítakamrar á úthátíðum um verslunarmannahelgar fyrir 40-50 árum bestir. Það væri aungin vanþörf á endurvekja þau ágætu mannvirki og þarfaþing nú á öld óðatúrisma. Þessir glæsilegu og afkastamiklu kamrar höfðu allt sér til ágætis: voru ódýrir í uppsetningu, enda samastóðu þeir aðeins af djúpri gryfju og óhefluðu mótatimbri og fáeinum nöglum. Þegar útihátíðunum var lokið voru naglarnir rifnir úr timbrinu og öllu steypt ofaní gryfjuna og mokað yfir með dráttarvélargröfu; síðar var farið að taka grafir manna með sömu dráttavélargröfu aðferð með góðum árangri. Nú er ekki örgrannt um, að velviljað fólk leggi til að þvílíkum skítakömrum verði komið fyrir útum allt land hvert vor um leið og snjóa leysir og ferðamönnum selt inná þá. Að hausti verði kamrarnir síðan teknir niður og mokað yfir. En áður en þróin er byrgð, þá gefist bændum tækifæri til að koma með haugsugur sínar, ef þeir kæra sig um að nýta gullið í gryfjunni til að vinna úr því dýrar vörur til gottgjörelsis mannfólkinu.   

Vill opna salerni í miðborg Reykjavíkur

Athugasemdir

[Örn Ingólfsson, 12.7.2016 kl. 03:36]

Og þá kostar það okkur 500 krónur hið minnsta að fara áð pissa og þúsund fyrir að skíta ef ekki hærra verð? Gróðapungarnir allsráðandi enda flest af þessum fyrirtækjum í eigu auðvaldsvinanna í XD og XB sem seldu bankana fyrir slykk en þeir sem fengu 450 milljarða+ afskrifaða ásamt þeim sem sátu inni fyrir eitthvað og var sleppt út of snemma þeir eiga kannski í gegnum huldufélög um allan heim 95& af öllu keyptu iðnaðarhúsnæði og Reitir nú hverjir eiga það upp í topp? Ég og þú?? Nú það vantar 450 milljarða með vöxtum í dag sem Davíð Oddson, Halldór Ásgrímsson og Geir H, Haarde lánuðu vildarvinum!!