Garg úr hænsnakofa

Það er þó félegt hænsnakofagarg sem Oddnú Géé´, Össur og Brýgýta skvetta eins og hlandi og öðru verra framani veslings þjóðina núna. Fyrir það fyrsta þýðir orðið ,,jafnaðarmaður", í munni Oddnýjar og Össurar, sérstök og heldur hvimleið tegund af hörðum auðvaldssinnum, sem af einhverri ástæðu, sennilega af öfund og fíflsku, þykjast vera eitthvað á móti Sjálfstæðisflokknum en eru í öllum grundvallaratriðum hérumbil nákvæmlega eins. Í öðru lagi er alltaf að koma betur í ljós og Brýgýta og Píratarnir eru lítið annað en sérviskuútgáfa af Framsóknarflokknum. Þegar helstu seggirnir úr þessum söfnuðum upphefja rifrildi sín á milli fyrir framan alþjóð hljómar slíkt skvaldur alveg eins og kvak í fiðurfénaði sem berst útúr hænsnakofanum á höfuðbóli sjálfstæðisflokksins.

Það vita allir að ESB-árátta auðvaldssinnaflokksins Samfylkingar er hennar kínalífselexír og allra meina bót. Hinsvegar skilur það fólk allsekki hvað orðið ,,jafnaðarmaður" þýðir þó það slái því ótt og títt fram. Eins og einhverjir eflaust vita, þá ,,jafnaðarmaður" bein þýðing á orðinu sósíalisti og þessháttar istar eru Samfylkingargraðhestarnir fjarri því að vera. Flokkur sem vill endilega troða landinu sínu inní einhverja stærstu auðvaldsblokk heimsins eru ekki sósíalistar og þá ekki jafnaðarmenn heldur. 

Að íslenskir sósíalistar skuli í ríkum mæli hafa fallið í þá gryfju að verða leiksoppar trúðsfífla, loddara og lukkuriddara er grátlegra en tárum taki. Og því miður er staðan þannig, að litlar líkur eru á að þeir vakni í bráð og öðlist það vit sem þarf til að greina kjarnan frá hisminu í pólitískum efnum.

„Segja ESB lausnina“

Athugasemdir

[Birgir Hrafn Sigurðsson, 9.8.2016 kl. 14:58]

Jóhanklís ragnardóttir, geturðu bent mér á það hvernig "Píratarnir eru lítið annað en sérviskuútgáfa af Framsóknarflokknum" eða er sú staðhæfing aðeins órökstudd tilfinningavella?

[Jóhannes Ragnarsson, 14.8.2016 kl. 17:55]

Við hvern þykist þú vera að tala helvískur nefjólfurinn þinn, Birgir Hrafn?