Samstillt samvinnuátak forðaði oss öllum frá hræðilegu slysi

Ekki er bölvaðri vitleysunni á framsóknarmenn logið. Meðvirkninni og sjálfshatrinu virðast aungin takmörk sett hjá þessum sérkennilega þjóðflokki og þegar þeim stendur til boða að kjósa eða endurreisa gjörspillta flokksfélaga eru þeir allir að vilja gerðir til að gera þessháttar axarsköft að veruleika. Stundum tala framsóknarmenn um að þeir séu samvinnumenn og þrungnir samvinnuhugsjón, sem brýst einungis út sem samvinna um að viðhalda völdum alræmdra spillingarpésa svo að Framsóknarflokkurinn líti út eins og skipilagður bófaflokkur eins og Sjálfstæðiflokkurinn.

Í dag höfu framsóknarmenn fyrir norðan land tækifæri til að losa sig við einhvern afkáralegasta spillingarungling sem á fjörur þeirra hefir rekið og velja í hans stað mann með tiltölulega lítinn splillingarstimpil á sér. Auðvitað hóf samvinnuhugsjónin sig uppúr öllu valdi á þessari miklu örlagastund, og með samstilltu samvinnuátaki vörðu þeir heiður grútarpiltsins úr innstu spillingarelítu Framsóknarfjóssins en förguðu Höskuldi prestssyni eins og illa framgengnu graslambi.

Undanfarnar vikur hefir Kolbeinn Kolbeinsson skrifstofustjóri og framsóknarmaður lagt nótt við dag að sansa framsóknarmenn fyrir norðan með öllum undarlegustu rökum er hann hefir yfir að ráða, að ekki megi undir neinum kringumstæðum skerða eitt einasta hár á höfði Sygmounds Wintris von Panama, þar eð sá dengur sé á þessum viðsjárverðu tímum sá samnefnari spilltustu framsóknarelítunnar sem að hún vilji hafa samvinnu um hafa á hæsta toppi mykjuhaugs Framsóknarfjóssins. Í kveld mun Kolbeinn fagna góðu dagsverki að heimili sínu ásamt helstu mógúlum Framsóknar, Sjálfstæðisflokksins og Viðreisnar. Er viðbúið að í þeirri veislu fari Máría Borgargagn, Indriði Handreður, Óli Apaköttur og Brynjar Vondalykt á sínum bestu kostum, að ógleymdum gestgjöfunum frú Ingveldi og Kolbeini Kolbeinssyni skrifstofustjóra og framsóknarmanni. ,,Það á ýmsum eftir að hitna í bölvaðri rassborunni í kvöld" var haft eftir Brynjar Vondulykt eftir að hann hafði frétt úrslitin í vinsældarkosningu framsóknarmanna í Norðausturkjördæmi.

Sigmundur með afgerandi forystu