Hádegisverður yfir tómhyggju

Já, þau hlupu víst útum allmargar þorpagrundir og tylltu alrei svo mikið sem stórutá á jörðina. Enda eru þessir garpar aðeins þekktir fyrir tómhyggju og villumoð í stjórnmálum, en ást þeirra á ESB auðvaldinu er fölskvalaus, heit, sár og klúr. Svo er einn þeirra sem fór útum víðan völl þarna á Lækjarbrekku mjög merkur maður fyrir norðan land: seldi í félagi við örfáa aðra merka menn hlut Akureyrarbæjar í fyrirtæki nokkru til KEA og var umrædd sala svo merkileg í trúnaðarbók bæjarins, sem ekki er opin öðrum en merkilegum bæjarstjórnamönnum. Í dag sat svo þessi mjög merki maður til borðs með Byssu-Smára og fleira stórmenni og ræddi ríkisstjórnarmyndum; það hefir áreinalega margt verið bókað í trúnaðarbók Samfylkingar og Pírata við þetta einstæða tækifæri.

Þegar gagnkvæm tómhyggja og ESB ást mætast svona, næstum fyrir tilviljun, á vertshúsi í hádeginu, er hætt við að tappar séu teknir úr flöskum og fólk fái sér romm, líkjör og koníak útí kaffið og skjögri svo heim flaksandi eins og fuglahræður eða leikhúsfífl. Að minnsta kosti sást einverskonar manneskja, rammskökk og riðandi höfuðhár eins og sauðatað, snúan sér látlaust í hringi, við gatnamót Bankastrætis og Lækjargötu, milli þess að steypast famfyrir sig og afturfyrir sig með hljóðum. Það er sagt það hafi verið megn súrheysgryfjulykt af fyrirburðinum. 

Þó verður að segjast eins og er, að Samfylkingunni hefir tekist að koma sér upp magnaðasta ekkiformanni stjórnmálaflokks sem um getur. Það er einkum þegar þessi ótrúlegi ekkiformaður pírir glyrnurnar í drep og snarnýr uppá stútinn sem sannfæringarkraftur hans nær uppí hæstu hæðir í augum þessara sárafáu samfylkingargægsna sem eftir eru. Nú er mest tala um hvar eigi að dysja hræið af Samfylkingunni eftir kosningar og hvurjum fellur í skaut að syngja sálumessu yfir hinni burtsofnuðu. Í þeim efnum er síra Baldvin einkum nefndur, enda er hann kunnur fyrir kveða niður draugamor og sendingar.

Fóru yfir víðan völl á hádegisfundi

Athugasemdir

[Aztec, 19.10.2016 kl. 00:47]

Sæll, Jóhannes (Jói meðal vina). Nú hefurðu hitt naglana á hausinn varðandi þessa ónýtu flokka sem eru í þennan mund að stinga nefjum (og ýmsu fleiru) saman.

Ég hef aðeins einu sinni til Ólafsvíkur komið og það var fyrir slysni. En mér finnst eins og þú hafir lítið skrifað um kosningaáróður til handa Alþýðufylkingunni sem þú virðist ekki vera neitt sérstaklega í framboði fyrir lengur, þrátt fyrir að hafa dásamað þessa fylkingu áður fyrr.

Til að glöggva þig á hverjar mínar tilfinningar eru máttu gjarnan lesa athugasemdir mínar hér:

http://vest1.blog.is/blog/vest1/entry/2182424/#comment3638432

Það er ekkert leyndarmál að ég vildi frekar hafa þig á þingi en Véstein. En ef þú vilt leggjast svo lágt að láta svo lítið að kommentera komment auvirðislegs öryrkja eins og míns, þá yrði ég ævinlega þakklátur þess örlætis hins heiðvirða Ólafsvíkurhöfðingja.

Með kærri kveðju,

Pétur D.

[Jóhannes Ragnarsson, 22.10.2016 kl. 20:02]

Því miður tókst ekki að ná saman framboðslista í Norðvesturkjördæmi. Ég er hinsvegar í 25. sæti á framboðslista Alþýðufylkingarinnar í Suðvesturkjördæmi.

Ég hef ekkert skift um skoðun varðandi Alþýðýðufylkinguna, þvert á móti er ég ánægaðari með hana í dag en t.d. fyrir ári síðan. Sérstaklega er ég ánægður með, að Alþýðufylkingin hafi tekið á sig fastamótaðri mynd og enn fremur að umtalsverð fjölgun hefur orðið í flokknum og öflugir einstaklingar hafa gengið til liðs við hann. Þó svo að Alþýðufylkingin fái ef til vill ekki mann kjörinn á þing að þessu sinni, þá mun uppbyggingarstarfið halda áfram af krafti og ég er eiginilega orðinn viss um að við þarnæstu kosningar verður Alþýðufylkingin orðin fullburða stjórnmálaafl með fulltrúa á Alþingi og jafnvel í sveitarstjórnum.