Jóhannes Ragnarsson

14.11.2016 | 22:06

Smeygði hálsbandi á Proppa

Helvítis annkgoti er hann nú seigur hann Banzi hérna okkar í Viðreisn. Enda er hann alvanur einkavinavæðingum, gjaldþrotum og panamavafningum. Og ekki minkaði völlurinn á okkar manni þegar hann smeygði hálsbandinu á Proppa og fór að teyma hann á eftir sér í alskonar bakherbergi eins og sauðkind með húfu. í bakherberjum er glði og gaman, pomm bomm bomm, þar reykja allir og drekka saman vindla, pípu og romm. Svo verða allir svo undurglaðir þegar Banzi verður búinn að raða saman ríkisstjórn með Bjarna frænda sínum og Proppa, sem er andlegur náfrændi þeirra Banza og Bjarna. Það verur nú meiri gleðin.

Kolbeinn Kolbeinsson skrifstofustjóri og framsóknarmaður er hinsvegar eyðlagður útaf gangi mála. Sigmundur Dávíð kennir nefnilega Kolbeini um hafa verið grillaður, steypt af stóli og útstrikaður í gríð og erg. Þá er Vigdís Hauks mjög vond útí Kolbein, af því að frú Ingveldur sparkaði henni bókstaflega úr húsi í miðju samkvæmi að heimili Kolbeins og frú Ingveldar. Sakargiftir fyrir útsparkinu er óljósar, en eitthvað kassandi hefir greinilega gengið á. Bjarni Ben og Banzi frændi vilja ekkert með Kolbein og Sigurð Inga gera, né af þeim vita; þeir frændur kalla þá víst spillingarmarhnúta og öðrum illum nöfnum og segja þá best geymda í lágréttu ástandi í flórnum í Framsóknarfjósinu. En þetta getur sem best litið betur út í fyrramálið, ef þeir frændur nenna ekki lengur að teyma Proppa á eftir sér og bjóða þess í stað Kolbeini og Sigurði Inga til samlags.

Annars er Viðreisnar-Banzi allra kyndugasti náungi. Hann telur að ESB hafi ósköp notaleg áhrif á fjármálaumsvif sín og lætur sem vind um eyru þjóta þá kenningu, að innganga í þetta fíniríissamband sé álíka gáfulegt og að kasta péníngum sínum innum glugga á alelda húsi. Og þetta uppátæki hans, að gera Proppa að búrtík sinni, kemur mönnum mjög svo annarlega fyrir sjónir. Sumir segja, að Banzi hljóti að vera geggjaður, aðrir að hann sé svo mikill djúphyggjumaður, að ekki komi á óvart þótt hann standi allíeinu uppi með gjörunnið tafl. Enn aðrir eru vissir um, að Proppi sé ekki allur þar sem hann er séður og muni taka undir sig stökk og draga Banza í hendingskasti útúr öllum fócusi, beint út á foraðið, þaðan sem aunginn á afturkvæmt.