Draugamorið að baki Katrínar

Útaf fyrir sig væri allt í góðu með það að forseti Íslands veitti Katrínu Jakobsdóttur stjórnarmyndunarumboðið. Og útaf fyrir sig væri gott ef henni tækist að mynda ríkisstjórn. En það er samt einn alvarlegur annmarki á Katrínu til umræddra verka. Það vill því miður svo illa til, að Katrín hefir á bakinu fylgdarlið, drauga, sem verða henni óhjákvæmilega fjötur um fót til allra verka, bæði í ríkisstjórn sem í stjórnarandstöðu. Í augum þessara drauga er Katrín alls ekki fullmektugur formaður VG, aðeins upplýsingafulltrúi þeirra gagnvart fjölmiðlum. Ég vona að Katrínu sé fullkunnugt um hver raunveruleg staða hennar innan VG er og að vissar persónur, sem trúa því að þær eigi VG með rá og reiða og að Katrín allt sitt undir þeim, ef henni er umhugað að sleppa við hatramma rógsherferð til útskúfunar af þeirra hálfu á hendur sér.

Undir kvöld í gær, sigaði Steingrímur J. Sigfússon búrtík sinni með urri og gelti að Katrínu Jakobsdóttur, henni til aðvörunar. Aðvörunin var í skemmstu máli á þá leið, að fólk ætti að vera í stjórnmálum til að hafa áhrif, vera tilbúnir að selja allt sem þeir hafa í höndunum til að komast í ríkisstjórn og nefndi Óttar Proppa sem fagurt fordæmi í þvi sambandi, að formenn stjórnmálaflokka, sem ekki væru til í að miðla málum, með öðrum orðum, selja sannfæringu sína, kosningaloforð og stefnu flokk síns á búðarborði auðvaldsins fyrir ráðherrastól undir rassgatið á Steingrími, komist aldrei til ,,áhrifa." Það dylst engum að hvaða formanni búrtíkin var að gjamma og reyna að bíta í hæklana á. Sá formaður heitir Katrín Jakobsdóttir.

Það er til lítils fyrir Katrínu að selja sig lægsbjóðanda til að hafa lítil sem engin áhrif önnur en að koma ráðherrastóli undir mosavaxna spillingar- og snobbararassana á Steingrími og fulltrúa Svavarsfjölskyldunnar og Álfheiðar, Svandísi Svavarsdóttur (Swndeesý Sendiherrans) svo að Flokkseigendafélaf VG geti grobbað sig af því að vera í ríkisstjórn og hæla sér af einhverjum smáatriðum, sem þau telja sig hafa komið í kring í auðvaldskerfinu.

Katrín og Bjarni ræddu saman

Athugasemdir

[Ásthildur Cesil Þórðardóttir, 15.11.2016 kl. 20:29]

Eginlega þarf Katrín að losa sig við þessar beinagrindur úr skápnum ef hún vill verða alvöru formaður VG.  Þetta óþolandi besservisser fólk. 

[Jóhannes Ragnarsson, 15.11.2016 kl. 21:18]

Það er ekki hlaupið að því fyrir hana blessaða, sópa beinunum og vofunum útúr skápnum. Hún veit hvað hún á í vændum ef hún styggir það lið. En það er auðvitað grábölvað fyrir hana að vera einhverskonar umboðslaus umboðsmaður fyrir Steingrím, Svavarsfjölskylduna og Álfheiði Inga. VG gæti orðið þokkalegur flokkur og mannvænn ef nefndar persónur hefðu sig á brott ásamt því liði sem fylgt hefur þeim eins og blindir kettlingar.