Leikritið nær hæstu hæðum þegar Steingrímur tilkynnir stjórn sína

Það er andskotann ekkert mál fyrir 7 skítuga auðvaldsflokka, sem eiga fulltrúa á Alþingi, að sóða saman einhverri ríkisstjórnarnefnu. Þetta stand með stjórnarmyndunarumboð, viðræður og sjónvarpsviðtöl á eftir er auðvirðilegt og aumt leikrit hannað af krökkum úr bómullarkössum, sem varla hafa náð að skjögra útfyrir háskólalóðina eða gullrassaheimilin sín, fyrir krakkasnípur úr sömu bómullarkössunum og gullþarmahreiðrunum. Það dularfyllsta er, að leikritið atarna, innantómt sem það er, hefir ákkúrat aungvann tilgang, - en áhorfendur geta svo sem dundað sig við að velta fyrir sér hvaða leikari er í best röndóttu peysunni eða með lekkerasta bindið og ekki síst að gá að því hvort einhver leikarana sé með opna buxnaklauf og af hvaða ástæðu klauf einhvers eða einhverra er opin.

So kann að verða dulítil stemmning á þingflokksfundi VG í kvöld. Steingrími er strax farið að svíða hroðalega í rassinn af ráðherrasótt og þarf nauðsynlega ráðherrastól til að hlamma sér í til kæla á sér bölvaðann bláendann. Ugglaust kemur Steingrímur húsbóndi með búrtík sína stórtennta með sér á fundinn til að bíta í hælana á Kötu og snú uppá eyrun á henni þegar við á til að skemmta Swandeesý Sendiherrans. Þegar Ottó Katz herprestur rak góða dátann Svejk út til að útvega péninga og hnotbrennivín kvaddi hann þjón sinn með þeim orðum, að ef hann kæmi tómhentur heim mundi hann senda hann útá vígstöðvarnar. Á sama hátt mun Steingrímur húsbóndi, Swandeesý og búrtíkin gera Kötu stelpu ljóst, að hún verði flæmd austrí Loðmundarfjörð eða útí Grímsey ef hún klúðri ráðherrasætum undir botninn á þeim.

Að lokum er þess að geta, til fræðslu og hægðarauka fyrir stjórnmálafræðinga og álitsgjafa, að síðustu daga hefir frú Ingveldur þingað grimmt með Steingrími J. Bjarna Ben og Sigurði Inga. Á dagskrá þeirra funda hefir aðeins eitt mál verið á dagskrá: dagsetning á tilkynningu um myndun ríkisstjórnar Steingríms J. Sigfússonar með þeim Bjarna og Sigurði Inga; en umrædd dagsetning veltur á hvenær Kata girl gefst upp á stjórnarmyndunarrólunum og snautar heim í bólið. 

„Bjartsýn en líka raunsæ““