Svörtu Pétrarnir

Nú er komið í ljós, að það er ekki aðeins einn Svartipétur í spilunum, þeir eru að minnsta kosti tveir, ef ekki þrír eða fjórir. Svörtupétrarnir tveir eru að sjálfsögðu hin tvíeina auðvaldsbraskarahjörð Sjálfstæðisflokksins og Virðreisnar. Samanlagt fengu þessir vafasömu, að ég ekki segi alræmdu, arðræningjasamtök 40% fylgi í síðustu kosningum, sem sýnir svo ekki verður um villst, að eitthvað er alvarlega brogað við dómgreind þjóðarinnar. Eftir brotlendingu Katrínar í dag, sem skrifast alfarið á reikning braskarajólasveinana í Viðreisn, er langhyggilegast að kjósa aftur, helst ekki síðar en í janúar. Það er nefnilega ekki einn einast grundvöllur fyrir meirihlutastjórn af neinu tagi þar sem nægjanlegt traust ríkir milli aðila. 

Það hefur lengi legið ljóst fyrir hver höfuðmeinsemdin í íslenskum stjórnmálum er. Kapítalisminn og höfuðburðarás hans, Sjálfstæðisflokkurinn, er okkar böl og ógæfa, sem verður að uppræta, ef Íslendinga langar í fullri alvöru koma sér upp geðugu samfélagi þar sem öfgaspilling, græðgi, yfirstéttarhroki og viðbjóður fær ekki að ríða röftum með þeirri hnignun á menningu og mannlegum verðmætum þeim heyra hinu tillitslausa auðræði til. Við skulum ekki ganga að því gruflandi, að við búum ekki í þjóðfélagi heldur þjófafélagi svo lengi sem kjósendur greiða í jafn ríkum mæli og raun ber vitni alræmdum svikamillum eins og Sjálfstæðisflokki og Viðreisn atkvæði sín.

Í þessum töluðu orðum, heyri ég vitringinn Proppa skilgreina flokksviðrinin Viðreisn og Bjarta framtíð sem ,,frjálslynda miðjuflokka." Ég veit ekki hvernig Proppa og öðrum talsmönnum umræddra fyrirbrigða dettu í hug að bera svona óforskammaða skilgreiningu á borð. Viðreisn er mjög hægrisinnaður flokkur braskara og kúlulánaódáma úr innsta hring spillingar kapítalismans. Björt framtíð er einnig mjög hægrisinnað og sálrlaust fyrirbæri. Báðar þessar óværur verður afmá sem fyrst úr íslenskri pólitík og kasta í rotþró sögunnar. Það er því miður óraunhæft að hægt sé koma Sjálfstæðisflokknum fyrir kattarnef í fljótheitum, en það er raunhæft markmið að hægt sé að einangra þann óráðsíu- og bófaflokk sem fái að jafnaði 7-9% atkvæða í kosningum.

Búið að slíta stjórnarviðræðum