Mál að lifeyrissjóðaglæpamennskunni linni

Það er greinilegt að háborgaralega loðkragaglimmerdaman, sem það hefur fyrir stjórnarformann Lífeyrissjóðs verslunarmanna, á í sálrænum vandræðum út af formannskjöri Ragnars Þórs í VG; henni hrís hugur við sona manni, sem hefir aðra skoðun en þá á lífeyrissjóðum en að þeir séu fjárfestingarsjóðir braskara. Huggun stjórnarformannsins í þessum raunum er að ,,við megum samkvæmt lögum ekki fara út í það byggja eða leigja hús." Hinsvegar mega stjórnarformaðurinn og félagar hennar í lífeyrisstjórninni ausa peningum í braskara, suma hverja mjög skuggalega og með enn skuggalegri fortíð, sem stunda fjárfestingar í stórum stíl í íbúðarhúsnæði í gróðaskyni fyrir sjálfa sig. 

Og auðvitað stendur hagur lífeyrisþega ákaflega nærri hjarta stjórnarformannsins með loðkragann, hennar hlutverk er nefnilega svo bundið við ábyrgðina á að tryggja réttindi sjóðsfélaga sem eiga rétt í ,,okkar lífeyrissjóði", eins og hún orðar það svo snyrtilega. Hvaða ,,okkar" á stjórnarformaðurinn við? Lífeyrissjóð hennar og auðvaldsins? Hvað er þessi spaðagosadrottning að fara með svona munnsöfnuði? Hvaða hagur er tryggður með því að draga lífeyrissjóðsgreiðslur ellilífeyrisþega frá ellilífeyri þeirra frá Tryggingastofnun, krónu fyrir krónu? Ég geri ekki ráð fyrir að þessi stjórnarformaður og aðrir af hennar kalíberi viti að launafólki var lofað að lífeyrissjóðsgreiðslurnar kæmu sem viðbót ofan á ellílífeyrinn. Ef launafólkið hefði vitað í upphafi að þetta atriði yrði svikið eins glæsilega og raun ber vitni hafði það aldrei samþykkt aðra eins vitleysu og stórþjófnað.

Úr því sem komið er væri best að leggja þetta lífeyrissjóðakerfi Andskotans niður og allt það fjármagn sem safnast hefur þar upp verði afhent ríkinu. Í staðinn sæi ríkið um að greiða fólki eldara en 67 ára mannsæmandi lífeyri sem og öryrkjum. Það er mál að lífeyrissjóðaglæpaleiðangri auðvaldsins og braskaranna sem lifa í skjóli þess linni.  

Fara ekki í fasteignastarfsemi

Athugasemdir

[Ásthildur Cesil Þórðardóttir, 16.3.2017 kl. 10:47]

Eigum við ekki bara að fá "PET" samtökin í lið með okkur til að útrýma loðkrögunum úr stjórnunarstöðum?

[Sigurður Kristján Hjaltested, 16.3.2017 kl. 10:54]

Nú, en má reka flugélog en ekki húsfélog..??

Kominn tími til ad leggja nidur thetta fjandans

thjófabatterí sem lífeyrissjódirnir eru og ekkert

annad.

[Jóhannes Ragnarsson, 16.3.2017 kl. 11:15]

Jú, Ásthildur, ég er löngu orðinn leiður á loðkrögum beggja kynja í forustusveit stéttarfélaga og lífeyrissjóða. Þetta lið hefur unnið verkafólki mikið meira ógagn en gagn.

Og Sigurður Kristján: Lífeyrissjóðirninr mega fjárfesta í flugfélögum, Högum og einkafyrirtækjum í húsabraski en ekki byggja íbúðarhúsnæði eða íbúðir fyrir aldraða á eigin reikning eða í samvinnu við stéttarfélög. Þessir sjóðir eru nefnilega, þegar öllu er á botninn hvolft, einungis sjóðir fyrir braskara að leita til þegar þeim vantar fjármuni í gróðabrall. Ellismellirnir og öryrkjarnir eru aukaatriði sem notaðir eru í réttlætingar- og blekkingarskyni við þessa þrifaiðju. 

[Kolbrún Hilmars, 16.3.2017 kl. 15:56]

Það er nefnilega það, Jóhannes.  Lífeyrissjóðum leyfist að eiga hlutabréf í braskfyrirtækjum, aðeins ekki meirihluta, en leyfist þó ekki sjálfum að fjárfesta í eigin uppbyggingu sem reka mætti af fyrirhyggju og skynsemi.

[Jóhannes Ragnarsson, 16.3.2017 kl. 16:38]

Reyndar mega þeir það, Kollbrún, en stjórnarformaðurinn atarna lætur sem hún viti það ekki. Og kanski veit hún það ekki í alvörunni af því að hún hefir gleymt að lesa lögin um lífeyrissjóðina.

[Sigurður Kristján Hjaltested, 17.3.2017 kl. 23:00]

Hún las aldrei lögin Jóhannes......