Vondalyktin hyggst ganga milli bols og höfuðs á múslímasleikjum og anarkókommúnistum

Í morgun dró lögreglan Brynjar Vondulykt augafullan upp úr göturæsinu og höfðu síðan samband frú Ingveldi og Kolbein að koma niður á stöð og hirða gripinn því hann væri ekki hæfur til gæsluvarðhalds eins og hannværi á sig kominn. Sjálfur heldur Brynjar því fram að hann hafi orðið fórnarlamb útlenskra terrorista og hótar að kjósa Flokk Fólksins og fara í heilagt stíð við hælisleitendur og alla ISIS böðla. Vissulega var Vondalyktin illa til reika þegar frú Ingveldur og Kolbeinn sóktu hann á lögreglustöðina; hann var grútskítugur og með glóðarauga á báðum, fötin rifin og tætt, annar spriskórinn týndur og lyktin af honum eins og af úldnum þorski.

Hið rétta í málinu er að Brynjar Vondalykt mætti erlendum hjónum, ferðamönnum, á horni Austurstrætis og Pósthússtrætis og lét sig hafa það að slæma lúkunni í klofið á konunni um leið gekk framhjá henni og klípa. Eins og við manninn mælt ruku erlendu hjónin, sem eiga ættir að rekja til Alsír, upp eins og nöðrur og veittust harðlega að Vondulyktinni og misþyrmdu honum eins og um lúsugan flækingshund væri að ræða. Þegar hin harðhentu hjón höfðu lokið sér af, lá fórnarlambið spriklandi á maganum í rennusteininum með kinnina í hlandpolli.

Þegar frú Ingveldur og Kolbeinn höfðu verkað vin sinn upp, baðað hann og klætt í hrein náttföt af Kolbeini fór að birta yfir kauða og hann fór að hafa í heitingum útí flóttamenn, Muslima, Albana, Kínverja og Kúbverja og trúði velgjörðarfólki sínu fyrir því að nú væri ekkert sem héti ljótt, sannir Íslendingar yrðu að skera upp herör gegn þessu helvítis útlendingapakki og reka það allt úr landi og vega þá sem ekki hypjuðu sig undir eins þegar þeir ættu að hverfa úr landi. Þess vegna væri þeim, honum, frú Ingveldi og Kolbeini, nauðugur einn kostur, að ganga úr Sjálfstæðis- og Framsóknarflokknum og veita Ingusæ, Mánga Þór og Möggu Frikka í Flokki Fólksins lið í næstu kosningum og ganga milli bols og höfuðs á helvítis múslímasleikjunum og anarkókommúnistunum í hinum flokkunum.   

Mótmæla hækkun á leigu vegna hávaða