VG er fullkomlega fullgóður selskapur fyrir jómfrú Snædal.

Til hvers sagði jómfrú Snædal sig úr VG? Ég hefði haldið að það væri fullgóður selskapur fyrir hana. Jú hún ber fyrir sig, að henni hugnist ekki ríkisstjórnarsamstarf við Sjálfstæðisflokkinn! Veit jómfrúin ekki að henni á ekki að hugnast eitt né neitt, því síður að hugsa eitt eða annað? Enda vitum við ekki betur en að fari vel um hana sem stuepige hjá forstjórum verkalýðshreyfingarinnar, þar sem hún hefir áreiðanlega meira en fimmföld saltfiskkéllíngalaun. Það kostar, skohh, fyrir verkalýðinn að hafa marga forstjóra og stuepige á fóðrum hjá sér.

Annar held ég öllum sé andskotans sama hvort jómfrú Snædal er í VG eða Framsókn, eða engum flokki. Þó má ætla að hún dragi heldur úr, eftir úrsögnina, að verja skepnuna Steingrím og hans tiltektir. Auk þess, er það vissa okkar, að öllum standi hjartanlega á sama þó VG fari í ríkisstjórn með Sjálfstæðisflokknum; flokkur í einbeittum, poletiskum sjálfsmorðsleiðangri hefir aungva samúð hjá almenningi og má rista sig á hol frá kjapti niður til kynfæra, hans vegna. Almenningur hlær bara að soleiðis flokkum, enda eru þeir ekki eftirsjónarverðir.

Nú skilst okkar, að Steingrímur nokkur, - þessi eini sanni endemis Steingrímur, - hafi síðustu daga verið á þönum um þingsalinn að máta ráðherrastóla og forsetastól Alþingis, aftur og aftur og aftur. Það er nú eitthvað við hæfi kappans, enda byggjast allar hugsjónir þess manns á soleiðis stólum; þeir, þ.e.a.s. stólarnir, hafa semsé álíka aðdráttarafl á suma menn eins og ólæstar dyr eða opinn gluggi á forhertan innbrotsþjóf. Vonandi fer þetta allt vel hjá Steingrími, svo framarlega að hann fái ekki rasssæri, opin sár á báðar rassakinnar, af stólunum atarna. Síðast þegar kalltruntan hafði tök á, hoppaði hann eins og skógarþröstur milli ráðherrastóla, þannig að þegar honum var lokst velt úr síðata stólnum stóð hann vart í lappirnar af þjóhnappasárum eftir djöflaganginn, en þá var hann líka búinn að endurreisa Gamla Ísland upp í klærnar á Sjálfstæðisflokknum, og nú ætlar piltur so sannarlega að taka út sín laun hjá Sjálfstæðisflokknum í góðum stól.

Drífa Snædal segir sig úr VG

Athugasemdir

[Aztec, 16.11.2017 kl. 22:46]

Þetta er mikill misskilningur hjá þér, væni minn. Steingrímur endurreisti hvorki eitt né neitt, frekast þvert á móti.

[Jóhannes Ragnarsson, 17.11.2017 kl. 09:37]

Misskilningur, segir þú. Það margur misskilningurinn, ekki neita ég því. En mér er sagt, að Steingrímur hafi, með eigin höndum, endurreist Gamla Ísland upp úr Hrun hrúgunni.

[Aztec, 18.11.2017 kl. 02:21]

Þér hefur verið sagt þetta af honum sjálfum. Hann hefur gert alls konar kraftaverk að eigin sögn og hann og vinir hans á vinstri rúmstokknum hafa hlaupið með þessar bábiljur í erlendu pressuna.

Og bláeygir, ESB-elskandi, vinstrisinnaðir, erlendir æsifréttamenn trúa þessu kjaftæði, af því að þeir fá aldrei að heyra sannleikann um ógæfustjórn Jóhönnu.

[Jóhannes Ragnarsson, 18.11.2017 kl. 20:22]

Ég hef bara ekki talað við Steingrím í mörg, mörg herrans, ár, það get ég svarið. En sumir trúa enn á kraftaverk Steingríms, rétt eins og aðrir trúa á heimsmet Sigmundar Dávíðs. Ég er þó ekki einn þeirra, sem trúað hefur á kraftaverk Steingríms og líklega svona 15 ár síðan mér varð ljóst að kalltruntan væri ómerkilegur loddari með hjólliðugt kjaftabein.

En ríkisstjórn Jóhönnu, var í kapítalískum skilningi, engin ógæfustjórn, hún þurfti að taka við ógæfu sem aðrir höfðu kokkað upp.