Fyrra líf Meghanar Markelu

Það er nú svo með það. Harri bretlandseyjaprins er búinn að fá sér konuefni og hyggur á brúðkaup með vorinu. Allt gott og blessað með það svo langt sem það nær. Hinsvegar er mörgum, ef ekki allflestum, hulin fortíð Meghan Markle, en svo heitir kærastan, hvaðan hún kemur og hverra manna hún er. Í sem stystu máli, þá er Meghan þessi fædd og uppæskuð á Ísafiði á Íslandi og hét í þann tíð er hún Íslendingur Meyvant Margeirsson og var þá karlkyns, svo sem nafið bendir til.

Á unglingsárum sínum var Meyvant settur til sjós, en það átti síðar eftir að verða vendipunktur í lífi hans. Um fermingu þókti piltur furðu kvennsamur og leitaði sér ásta hjá sér eldri persónum, helst rosknum konum. Að þessu var hlegið á Ísafirði, drengurinn var sagður með róttækan ömmukomplex, svo var hlegið enn meira. En á sjónum kom nokkuð fyrir einn kaldsaman bræludag. Það var mikill veltingur þann dag, afli af skornum skammti og ekkert að éta, því kokkurinn var fullur og hafði læst matvælageymslunni og eldhúsinu svo að mönnum voru allar bjargir bannaðar. Matsveinninn hélt sig uppi í brú hjá kallinum, báðir pöddufullir og samtaka í að svelta aðra úr áhöfninni. Þennan örlagaríka dag bilaðist Meyvant Margeirsson á sönsum; glorhugnraður, kaldur og hrakinn fékk hann þá flugu bak við eyrað að hann væri kerlingarefni. Þegar hinn drykkfeldi skipstjóri lagði að bryggju þrem dögum síðar sagði Meyvant, þá orðinn blár af hungri og vosbúð, starfi sínu lausu og yfirgaf heimahagana með hraði. Í nokkur ár spurðist nákvæmlega ekkert til Meyvants, nánustu ættingjar vissu ekki neitt, héldu jafnvel að hann væri dauður, en allt í einu skýtur honum upp sem Meghan Markle og er kominn í náið ástarsamband við sonarson hennar hátignar Elísabetar bretadrotningar.

Nú velta Ísfirðingar, sem og aðrir landsmenn, því fyrir sér hvort Harri bretlandseyjaprins viti nokkuð um fyrra líf eiginkonuefni síns, því þeim þykir skrýtið að slíkur ofurprins sem Harri er skuli endilega vilja ganga að eiga einn týndan kynskipting vestan af fjörðum Íslands. Ef Harra er fullkunnugt um að konuefni hans hét áður Meyvant Margeirsson, þá þykir mönnum þar vestra einsýnt að eitthvað sér verulega bogið við þennan bretlandeyjaprins, sem er í þann veginn að gerast tengdasonur Ísafjarðar. Þegar foreldrum Meyvants/Meghan vóru sögð tíðindin af syni þerra, sem nú er orðin dóttir þeirra hjóna, lögðust þau bæði í rúmið, fárveik, og báðu Drotinn í auðmýkt að taka þennan bikar frá sér. Nóg væri að eldri sonur þeirra, Verklás Daníel sæti í fangelsi fyrir ferfalt ránmorð og dóttirin Sólborg Hera væri lögst í flæking og bæri vonda sjúkdóma milli landshluta, svo að ekki bætist við að týndur sonur þeirra komi allt í einu og óforvandis í leitirnar sem verðandi tengdadóttir Karls Elísabetarsonar.

Harry Bretaprins trúlofaður