Hvað segja kunningjar Harra um hann - og alvarlegar áhyggjur bretadrotningar

Hann er gamall, eldgamall. Komst á níræðisaldurinn fyrir fjórum árum síðan hann Harri bretlandseyjaprins. Hvort hann hafi verið glaumgosi? Ekki ber öllum saman um það. Mörgum verður á orði að hann sé fyrst og fremst bölvaður lúði, hreinn og klár leppalúði, blóðnískur og stúrinn. Ýmsir hafa kvartað undan vondri lykt af þessum gamla prinsi, einhverri ókunnri stækju, sem manni verður fökurt af að finna. Þeir eru þó til að, sem fullyrða að sá gamli hafi stundum reynst mesti galgopi, þetta hafi líkst þurrafylliríi hjá honum, en um leið og hann fékk sér neðan í því hafi hann orðið hundleiðinlegur og sent laglegum stelpum tóninn á fremur dónalegum nótum. En hvað segja kunnuir um, að þessi gamli glaumgori sé loks trúlofaður? Í sem fæstum orðum líst þeim ekkert á það, finnst bölvuð skítalykt af þessari trúlofun.

En þegar fréttir bárust af því frá Íslandi í morgun, að þarlendir menn hefðu strax borið kennsl á kærustuna og fullyrtu að þar væri loks kominn í leitirnar Meyvant nokkur Margeirsson frá Ísafirði, búinn að taka upp kvennmannsgervi og engisaxneskt nafn, rak Breta hreint í rogastans. Mörgu gætu þeir trúað upp á Harra gamla glaumgosa og prins, en ekki því að hann ætlaði að taka sér fyrrverandi karlmann sér til ektamaka. Jú, einhverjir mundu svo langt, að þá rámaði í að Harri hefði einhverju sinni fíflað íslenska stelpugæs af frú Ingveldarættinni. En á gjörvöllum Bretlandseyjum kannast enginn við að hafa heyrt minnst á persónuna Meyvant Margeirsson frá Íslandi. Á þessari stundu leita blaða- og fréttamenn og ljósmyndarar að gömlum myndum af kærustu Harra til að geta fundið vísbendingu um hvurs kyns hún hafi verið áður og fyrr. Trúlega kemur lítið út úr þeirri leit annað en það, að Meyvant hafi látið breyta kónganefinu sínu í beint nef um leið og hann gerðist kona.

Í Bökkínghámhöll er haft fyrir satt, að hina ævaforna amman Harra, Elísabet bretadrotning, sé búin að heimta að kærasta drengsin verð færð henni svo hún geti sjálf flett upp um hana og komist að hinu sanna í málinu. Þá hefir kerlingin og svo heimtað, að Harri sjálfur verði látinn undirgangast nákvæma skoðun hjá kvennsjúkdómalækni. Af þessu má ráða, að þjóðhöfðingja Bretaveldis sé ákaflega brugðið við fregnina af fyrra lífi Meghanar og vilji ganga úr skugga um hvort verið geti að þessi manneskja hafi áður heitið Meyvant Margeirsson og sé frá eskimóabyggðum á Íslandi. 

Glaumgosi festir ráð sitt