Þá er betra að steindrepast inn í Sjálftæðisflokkinn

Jæja, so litla drengnum flokkseigendanna í VG finnst enginn eigi né megi blása á Katrínu fornkonu VG fyrir pólitísk axarsköpt hennar. Þó eru varla liðnir nema nokkrir dagar síðan skrýmsla- og skúnkadeild Sjálfstæðisflokksins ötuðu hana kolaryki og uppnefnum og höfðu hana óspart að háði og spotti framan í kjósendur til að fá þá ofan af því að kjósa flokk Katrínar og nú er sama Katrín svo gott sem komin í ríkisstjórn með skrýmsla- og skúnkadeildinni. Það getur því vart verið að Proppi litli sé að bera umræddri skrýmsla- og skúnkadeild á brýn, að hafa stundað ósvífnar árásir á Katrínu.

Nú er Sjálfstæðisflokkurinn orðinn frábærlega góður flokkur í augum Katrínar og Proppa, eftir að þau gengu til liðs við hann; dóu inn í kjallarann í Valhöll, segja sumir. Þar af leiðandi verður að leita þessara ósvífnu árásarmanna á öðrum bæjum. Og það þarf svo sem ekki lengi að leita, því þeir ósvífnu eru auðvitað frá lúseraflokkunum Samfylkingu og Pírötum. Að vísu hefur Proppi formann Viðreisnar með í djöflahópnum sem sækir að Katrínu, af því að sá formaður álpaði út úr sér, að undirbúningurinn að ríkisstjórn Sjálfstæðisflokks, VG og Framsóknar hafi verið kominn á fullt fyrir kosningar. Herra K.Ó Proppi getur þó huggað sig við, að vanmetaskepnurnar úr krataeðlissöfnuðum Samfylkingar, Pírata og Viðreisnar eru þeirrar náttúru, að skjaldan kemur orð af viti út úr þeim og eru þær þar af leiðandi ómarktækar með öllu.

En Proppi gæti þó upplýst fólk um, af hverju VG og Framsókn treystu sér ekki til ríkisstjórnarsamstarfs við Samfylkingu, Pírata og Viðreisn. En fyrst hann treystir sér ekki til þess þá er best að ég hjálpi honum við glæpinn. Raunverulega ástæðan var einfaldlega sú, að reynslan hefir kennt VG og Framsóknarmaddömunni, að þessari tegund kratakraðaks, sem gnæfa yfir alla aðra í Samfylkingu og hjá Pírötum, er ekki treystandi með 10 aura milli herbergja í sama húsi, hvað þá hærri upphæð. Þeirra ær og kýr eru ryðbreddurnar sem þau ævinlega hefja á loft um leið og einhver snýr að þeim bakinu. Það er auðvitað ekki hægt að vera í stjórn með fólki sem vill eitt í dag, annað á morgun, og síðan alltannað daginn þar á eftir. Það fer nefnilega enginn í ríkistjórn með einhverjum ruslahaugum. Þá er nú betra að steindrepast inn í Sjálfstæðisflokkinn og verða að miklum flokki í öðrum heimi.

Gagnrýnir „ósvífnar árásir“ á Katrínu