Annað kvöld verður tilkynnt formlega um andlát VG inn í Sjálfstæðisflokkinn

Frekar er hann nú leiðinlegur goggur hann Stefán Pálsson, enda ættaður úr innsta hring undanrennuhjarðar Steingríms, Álfheiðar og Svavarsfjölskyldunnar. Eins og að líkum lætur, er Stefán fjraska spenntur og glaður með nýju stjórnina Steingríms, Framsóknarmaddömunnar og Sjálfstæðisflokksins, en hann hefur þráfaldlega sést á rúntinum síðustu daga kringum Valhöll á mótum Lágmúla og Háaleitisbrautar og starað á Höllina með lostaabros á vör. Það bendir til að þessi undanrennudrengur beri undurhlýjan hug til Sjálfstæðisflokksins og Valhallarinnar hans.

Ekki leikur minnsti vafi á að VG samþykkir stjórnarsáttmálann með yfirgnæfandi meirihluta atkvæða, því Steingrímur og hinir flokkseigendurnir eru fyrir löngu búnir að tryggja, að í flokksráði VG sé rétt fólk, forustuhollt, skoðannadauft og mátulega ruglað. Þetta er allt gott og blessað og því verður það dásamlegt fagnaðarefni þegar flokksráð VG verður eins innilega samtaka, og raun mun bera vitni, í að deyja inn í Sjálfstæðisflokkinn og hrærast þar saman við frjálhyggjuna, ójöfnuðinn, lýgina, svikin, græðgina og valdsins borgaralega sóðaskap.

Þegar tímabært andlát VG inn í grafhýsi Sjálfstæðisflokksins verður tilkynnt formlega annað kvöld, mun loksins skapast grundvöllur fyrir raunverulegan róttækan vinstriflokk, því að óhugandi er að allir hinir kokkáluðu félagar í VG fylgi Steingrími og hans hyski inn á annað tilverustig.

Hlakkar til að skoða sáttmálann