Saga flugdólgsins

Lesendum til frekari glöggvunar, þá skal það upplýst, að umræddur flugdólgur er aunginn annar en Kolbeinn Kolbeinsson skrifstofustjóri og framsóknarmaður. Þeir höfðu brugðið sér út fyrir landsteinana í snarhasti félagarnir Kolbeinn, Indriði Handreður og Brynjar Vondalykt þeirra erinda að fara á hóruhús sem þeim hafði borist til eyrna að nýbúið væri að setja á laggirnar. Þegar þeir höfðu heimsókt hóruhúsið snöru þeir ferð sinni sem óðast heim á leið og settust um borð í fyrstu flugvél til Íslands, sem þeir náðu til.

Því miður hafði Kobeinn með í farangri sínum tveggjalítra landabrúsa úr plasti, sem þeir félagarnir supu á á leiðinni heim. Svo fór áhöfn flugvélarinnar að fetta fingur út í landadrykkju Kolbeins og þeirra, sem lauk með því að Kolbeinn hóf landabrúsann á loft og skaut honum af sjónhendingu beint í höfuðið á yfirflugfreyjunni, sem missti meðvindund við höggið. Síðan börðust Kolbeinn, Vondalyktin og Handreðurinn eins og ljón við flugstjórana og hinar freyjurnar og komu þeim öllum undir áður en yfir lauk. Þegar bardaganum lauk, var flugvélin löngu flogin framhjá Keflavíkurflugvelli, en flugstjórunum tók af harðfengi að snúa við og lenda vélinni heilu og höldnu.

Það kom síðan í hlut frú Ingveldar að fá Kolbein og þá hina lausa úr varhaldi og hún refsaði þeim grimmilega þá hún hafði höndur í hári þeirra. Hún beið slóttug með refsinguna þar til hún var komin heim með dólgana, en um leið og útidyrahurðin laukst að hælum þeirra tók frú Ingveldur til óspilltra málanna og var aðsókn hennar svo hörð og snörp að fórnarlömbin æptu og skræktu eins og halaklipptir hundar og Indriði Handreður varð svo ofboðslega hræddur að hann skeit í buxurnar að hætti kornabarna. Máría Borgargagn varð líka reið, en aðeins við frú Ingveldi vegna meðhöndlun hennar á Handreðinum og hótaði að stúta henni eins og afsláttarmerarrassgati ef hún legði höndur á bóna sinn aftur.

Flugdólgur grýtti áfengisflöskum