Hinn blauði ráðherra velur frið þegar ófriður og krossferðir eru í boði!

Ja, nú dámar mér. Á utanríkisráðherra virkilega við, að hann kjósi frið þegar ófriður er í boði? Á fólk að trúa því, að Guðlaugur a. Þórðarson sé svo innilega blauður að hann þori ekki í stríð? Þó hefði maður haldið, að nú væri lag að blása í lúðra og kalla saman lið vaskra drengja til krossferðar suður í Jérúsálem og frelsa hina helgu borg úr klóm misindismanna. Fyrirfram hefði hvur maður trúað því, að Guðlaugur okkar væri fús til að drýgja hetjudáð og væri reiðubúinn að fara í fylkingarbrjósti herleiðangur til Mið-Austurlanda til að berja á Serkjum og öðrum vanmetapéníngi sem búið hefir um sig í Jérúsálem.

Nei nei, utanríkisráðherrann skríður eins og vafasamur fressköttur að húsabaki og lætur Íslendinga kjósa á móti Trump og frelsum Jérúsálem hjá Smeinuðu þjóðunum. Þetta auðvirilega tiltæki er ekki hægt annað en að vega úr launsátri. Nú er viðbúið að Trumpurinn láti sprengja oss í loft upp, um leið og hann gerir Norður-Kóeyju sömu skil. Þar fyrir utan sýður á mörgum Íslendingi að komast í alminnilega krossferð og vinna hetjudáðir sem uppi verða með þjóðinni so lengi sem Ísland verður í byggð. En eitt höfum vér fengið staðfest með forkastanlegri bleyðisemi Guðlaugs og Sjálfstæðisflokksins: Og það er staðfesting á afturför og krypplingsvæðingu þjóðarinnar frá því hetjur riðu um héruð og vógu mann og annan og bættu helst ekki fyrir nokkurn sem þeir vógu af sannri hugprýði.

Fréttin um svik Íslands við Trump og félaga kom eins og reiðarslag framan í frú Ingveldi, ssem átti sér einskis ílls von. Hún afréð þegar í stað, að góðvinur hennar, utanríkisráðherrann, fái ekki að stíga fæti inn fyrir dyr á hennar heimili fyrr en eftir páska í vor. Siðan mlælti frú Ingveldur og lagði þunga áherslu á hvurt orð: - Og ef hann vogar sér að reyna að skríða inn um glugga hjá okkur hjónum, eins og einhver helvískur jólasveinn, til að taka þátt í samkvæmum okkar hjóna, þá verður skohh ekki tekið á gripnum með neinum silkihönskum. Maður sem fer á bak við mig og Trump forseta á ekkert betur skilið en að vera kaghýddur upp við staur eins og útilegumennirnir og snærisþjófarnir í gamla daga. En ég skal bæta honum það upp og rassskella skálkinn með eigin hendi og það er ekki nein skilki og dúnhendi Gvöööð hjálpi mér að hafa alið slíka óhræsis snák sér við brjóst. Hann fer ekki í framboð meir, að mér hleilli og lifandi. Aldrei meir. Aldrei!

Það er ekki nema von að frú Ingveldi blöskri.

„Höldum áfram að hvetja til stillingar“

Athugasemdir

[Sigurður M Grétarsson, 21.12.2017 kl. 21:38]

Það er rétt að það þarf að frelsa Jerúsalem úr hendi misyndismanna. Það þarf að frelsa hana úr höndum hins grimma hernámsveldis Ísraels.

[Jóhannes Ragnarsson, 21.12.2017 kl. 22:46]

Ég held það sé dálítið langt þangað til Guðlaugur utanríkisráðherra reynir að frelsa Jerusalem úr klóm Ísraelsmanna. Sú stund rennur trúlega aldrei upp.

[Sigurður M Grétarsson, 22.12.2017 kl. 00:51]

Nei en vonandi munum við Íslendingar standa með þeim sem reyna að gera það þegar þar að kemur.