Það eru erfiðir tímar ...

Þá er komið upp úr dúrnum, að herra E. Arnalds vill endilega leiða Sjálfstæðisflokkinn í Reykjavík beint á næsta ljósastaur.

Þessi einkennilega ákvörðun Eyþórs kemur beint í kjölfar álits frú Ingveldar, sem dæmdi Eyþór gjörsamlega óhæfan til borgarstjóraembættis í Reykjavík. Að fara þannig í blóra við vilja og dóm frú Ingveldar er bein ávísun á hlálegar ófarir í árferði eins og nú ríkir, því vitað er að kjósendur í Reyjkavík brenna í skinninu eftir að fá að rassskella Sjálfstæðisflokkinn einusinni enni í borgarstjórnarkosningum.

Tímarnir eru erfiðir og leið Sjálfstæðisflokksins liggur hér eftir aðeins niður á við. Fólk er víst, upp til hópa, búið að fá yfir sig nóg af þessum andskotans krimmasamtökum og eiga þá ósk heitasta þurfa aldrei að heyra nafn Sjálfstæðisflokksins nefnt á nafn meir.

Þekkið þið hann Giljagaur,
greyið sem ók á ljósastaur?
Hann hyggur í raun og verunni,
að það sé saur í perunni.

Eyþór vill leiða í Reykjavík

Athugasemdir

[Jón Valur Jensson, 9.1.2018 kl. 19:25]

Léleg vísan hjá þér, óstuðlaður seinni partur!!!

Og Eyþór Arnalds á þetta ekki skilið af þér.

[Jóhannes Ragnarsson, 9.1.2018 kl. 20:01]

Tja, það er nú þannig, Jón Valur, að maður spanderar ekki dýrum kveðskap á Eyþór. Eða eins og Þórarinn Eldjárn segir í Dysneyrímum sínum:
,,Meðal annars meinar stolt
mér að eyða dýru á Walt."

[Jón Valur Jensson, 10.1.2018 kl. 04:36]

Þetta var þó stuðlað hjá Þórarni, en ég ætla ekki að jafna þér við hann á því sviðinu. En það er svo sem ekkert mál, en verra hitt, að þú ert svona illega pólitískur, það sést nú langar leiðir, að þetta eru ekki einber gamanmál hjá þér.

[Jóhannes Ragnarsson, 10.1.2018 kl. 14:31]

Já, Jón Valur, Íslendingar eru í miklum mæli illilega pólitískir, hvernig sem á því stendur, en því miður er þeim ekki öllum jafn vel gefið að vera húmorískir.

[Jón Valur Jensson, 11.1.2018 kl. 00:08]

I would think that this kind of humour

is really some sort of a tumor

    on your soul, my lad.

It might hamper your chance in life, man,

as would having a very bad wife, man,

    yes, really bad !