Stendur í beinu sambandi við leiðtogakjörið?

Djöfullinn og Andskotinn hafi það, þetta er nú að verða hálf-hvimleitt. Og sjá ekki allir hver valdur er að verkunum í undirgöngunum? Jú, rétt til getið, það er einn af frambjóðendunum fimm í leiðtogakjöri Sjálfstæðisflokksins í Reykjavík. En hver þeirra? Það er því miður of óljóst ennþá til að hægt sé að kveða upp úr með það. En ætli sonalagað hátterni í undirgöngum sé vænlegt til góð árangurs í leiðtogakjöri Sjálfstæðisflokksins? Já, vafalaust, það er nefnilega so voðalega undarlegt fólki í Sjálfstæðisflokknum.

En hvernig er það, getur verið að frú Ingveldur hafi sent Kolbein, eiginmann sinn, og Brynjar Vondulykt inn í Grafarvog til að kukka í undirgöngin, ef það mætti verða til þess að auðveldara verði fyrir Grafarvoginn að fá sjálfstæði frá Reykjavík og verða sjálfstætt sveitarfélag? Ja, það má sosem vera, en annars eru Kolbeinn og Vondalyktin ekki þekktir fyrir að hlaupa langar leiðir til að hafa hægðir; þeir eru vanir að kukka í sínu nærumhverfi, þessvegna á gólfið eða út um gluggann, ef klosettið er upptekið. En víst er um það, að lögreglan mun fylgjast grant með frambjóðendunum fimm, sem þykja til alls líklegir

Um helgina gerðu frú Ingveldur og Kolbeinn dálitla tilraun. Þau settu upp aukaljósastaur á gangstéttina fyrir framan heimili sitt. Og viti menn, strax fyrstu og einu nóttina sem staurinn stóð uppi, ók einn leiðtogaframbjóðandinn, sem var í heimsókn hjá þeim sæmdarhjónum, beint á staurinn og braut hann niður. - Þennan fjanda getum við ekki kosið í leiðtogakjörinu, sagði frú Ingveldur þegar hún horfði á frambjóðandann leggja á flótta af slysstað til að fela sig fyrir réttvísinni. Og Kolbeinn bætti við: - Þetta er ekkert skárra en þegar Sigmundur minn Dávíð hljóp út úr ráðherrabústaðnum eftir að sá sænski kom upp um Wintrisið hans. Púfff ... 

Enn á ný skítur í göngunum

Athugasemdir

[Þorsteinn H. Gunnarsson, 15.1.2018 kl. 18:47]

Þetta getur ekki staðið neitt í sambandi við skítlegt eðli, því Ólafur er horfinn á braut. En auðvitað er Davíð upp í Moggahöll og einn frambjóðandi D á eitthvað í Mogganum. Svo getur þetta verið eitthvað að frambjóðendur séu að gera hvor öðrum grikk og skíti hver um aðran þveran hvar sem hægt er til að koma óorði á aðra. Þetta gæti auðvitað gengið þvert á flokka og kallast þverfaglegt og verður sett í ferla af borginni og fagaðilar verða látnir meta aðstæður.

[Jóhannes Ragnarsson, 15.1.2018 kl. 19:02]

Neinei, þetta stedur ekki í sambandi við skítlegt eðli, það er af og frá. En í leiðtogakjörum, líkt og í prestskosningum, vaða menn skítinn í axlir og sá þykir mestur og bestur sem svertir keppinauta sína á sem lævíslegastan hátt.