Hugursneyð bægt frá þetta vorið

Þeir þurfa þá ekki að svelta um páskana þarna í sveitarfélaginu sem Gunnar I. Birgisson fyrrum borgarstjóri í Kópavogi stjórnar. Það er skohh aunginn smávegis búhnykkur að fá heilan 17 métra hrjúfublak upp í fjöruna til sín, ein 30 tonn af ljúfmeti hafsins, ef af líkum lætur. Þetta hveli ætti að minnsta kosti að duga nokkrum sinnum í matinn hjá hönum Gunnari I. Og ekki trúi ég öðru en siglfirskar og ólafsfirskar húsmæður gjöri mikið af hvalsslátri úr þessum myndarlega hrjúfublak sem Drottinn sjálfur stuggaði upp í fjöruna til þeirra.

Mest er þó um vert, að með þessu góðverki Drottins hefir yfirvofandi hungursneyð verið bægt frá innbyggjurum Fjallabyggðar þetta vorið. Í fyrravor og vorið þar áður féll búpéningur í hrönnum í þessum fræga útnára og mannskapurinn á eftir so lá við landauðn. Einhverjir höfðu það þó af, en vóru nú undir það búnir að burtkallast sökum ófeiti í apríl eður maí. Hafa menn í Fjallabyggð glaðst svo yfir hvalrekanum þeim inum mikla er orðið hefir á fjöru þeirra, að þeir hafa boðið sjálfum værðarklerknum séra Atgeiri p. Fjallabaksen að koma norður að messa hjá þeim um páskana.

Af séra Atgeiri p. Fjallabaksen er það helst að frétta, að minnstu munaði að hann fengi á sig kæru um siðferðisbrot innan safnaðarins um síðustu jól; ein kerlingin í söfnuðinum bar honum sem sé á brýn að hafa stungið tungunni á sér oní kok á sér um leið og hann óskaði henni, eftir heilaga guðþjónustu, gleðilegra jóla. Kerlingarboran varð vægast sagt algerlega ær og heimtaði að byskubbinn og kirkjumálaráðuneytið sæu svo um, að værðarklerkurinn Atgeir p. yrði tunguskorin í hegningarskyni, auk þess að vera sviptur kjóli og kalli. Sem betur fer tóks dýrðaljósinu séra Atgeiri p. Fjallabaksen að færa sönnur á, að hann hafi ekki óskað umræddri konu gleðilegra jóla, þar eð konugarminum hafði ekki í atganginum tekist að vera sjálfri sér samkvæm um atburðarins stað og stund. Loks komust menn að því, að sá er valdur var áður nefndri framkomu við konuna var drukkinn eiginmaður hennar, þekktur af ískyggilegu óeðli og svínsskap undir áhrifum víns.

Hnúfubak rak á land í Héðinsfirði