Ljósmæðgur í lífsháska og lúaleg millifyrirsögn

Þetta er allt skuggalegt og andstyggðin bókstaflega öskrar eins og naut út úr hvurjum kima og andlitsdrætti. Nú er þær ljósmæðgur búnar að merkja sig ríkinu til eignar og þá má eigandinn gjöra hvað sem honum þykir kátlegast við eignirnar; loka þær inni í skáp eða selja þær í höndur danskra svínahirða og glæpamanna, ef eigandanum sýnist svo.

Svo kemur þessi líka kynlega frétt af ljósmæðgunum undir fyrirsögninni ,,í bolum með áletrinu ,,eign ríkisins"". Þar næst birtist oss millifyrirsögnin ,,þyrfa að gyrða sig í brók." Með þessari ósvífnu millifyrirsögn er náttúrlega verið að gefa í skyn að þær ljósamæðgur séu annaðhvort illa gyrtar, með allt hálfvegis niðrum sig, eða heinlega að þær séu narbuxnalausar og hafi jafnvel ekki brúkað þessháttar flík í fimmtán ár eða svo.

Það væri dálaglegur andskoti ef upp kæmist að umræddar ljósmæðgur, sem auk þess eru þinglýstar eignir ríkisins, væri ofan í allt annað svo vita nærbuxnalausar að jafnvel kvinnur á borð við frú Ingveldi og Máríu Borgargagn gætu verið stoltar af. Ógyrtar eignir ríkisins eiga ekki að þekkjast, enda hafa fjármálaráðherra og heilbrigðisráðherra sammælst um að greiða ljósmæðgum ekki laun meir og hrekja þær þar með í útlegð frá mannlegu samfélagi á Íslandi. Já, og auðvitað er forsætisráðherraskepnan sammála ráðherrum sínum og hefið nú þegar sperrt að ljósmæðgum sína löngutöng, með öðrum orðum: gefið þeim fokkmerki.

Í bolum með áletrinu „Eign ríkisins“

Athugasemdir

[Þorsteinn Siglaugsson, 7.5.2018 kl. 23:01]

Það er nú tæpast til verri móðgun en fokkmerki þegar verið er að eiga við stétt þá sem fæst við að milda afleiðingarnar af dodo ...

[Jóhannes Ragnarsson, 9.5.2018 kl. 20:56]

Satt er það Þorsteinn, að þetta er fáheyrð svívirða af hálfu forsætisráðherra. Látum vera þó hún fokki framan í skítuga götustráka, en framan í ljósmæðgur er hreint og beint glæpsamlegt.