Gleðigjafinn Goggológó

Hið stigvaxandi gáfnaljós, Vigdís Hauksdóttir, býr sig nú af alefli undir að taka við starfi borgarstjóra í Reykjavík. Þann dag sem hún tekur við borgarstjórn mun hún hefja dauðaleita að moskunni, sem hún heldur að búið sé að reisa í Reykjavík. Þegar hún gefst upp við að leita að moskunni hyggst hún reka alla múslima burt úr Reykjavík, en múslimarnir eru þrjóskir og neita að fara. Þegar kemur upp úr dúrnum að lög meina hinum aburðagáfaða borgarstjóra reka múslimana, stökkur hún á vegg og lekur niður sem ein gelklessa. Verða þar með úr sögunni borgarstjóraórar hins geysifjölgáfaða foringja Vigsísar Hauksdóttur.

Við munum öll leit Vigdísar að leyniboxinu, sem hún laug að þjóðinni að eihversstaðar væri geymt. Jújú, hún hélt glæfralega fyrirlestra um leyniboxið og glamraði um það í Fjárlaganefnd og lét að liggja að þar væru geymdir hroðalegir höfuðglæpir gegn Íslandi, margföld föðurlandssvik og landráð. En svo gerist það, að Vigdís Hauksdóttir steinhætti að röfla um leyniboxið og fjasið í henni um það fjaraði út og skyndilega var eins og ekkert hefði gerst og Vigdís sjálf varð að einhverskonar leyniboxi, hvers óþefur hefir verið rómaður af unnendum Tortúluskjala.

Í Miðflokki Tortúlumanna er Vigdís hrókur alls fagnaðar, brandaragosinn sem allir hlægja að. Hún er meira að segja, af middflokksmönnum, talin skemmtilegri en sjálfur Sigmundur Dávíð og eru þeir þó ekki skemmtanavandir menn. Hún hefir stungið höfðinu í steininn og pissað í sandinn, brotið gandinn og gaggað eins og Fjandinn, en allt hefir komið fyrir ekki: alltaf þykir middflokkdmönnum og poppúlistum Vigdís upp úr þeirra hópi.

 

„Bað fólk um að vera viðbúið“

Athugasemdir

[Þorsteinn Siglaugsson, 28.5.2018 kl. 22:46]

Það er reyndar moskva í Reykjavík. Hún er í Skógarhlíðinni. Það stendur "Grand mosque" utaná henni eða eitthvað þvíumlíkt. Legg til að Vigdís setji nú upp lonníetturnar og fari að leita að henni. Svo geta þau Simmi farið með ýtu á hana. Það verður þá skemmtilegt þegar dínamítvafðir múhameðstrúarmennirnir fara að svælast út úr moskvunni alveg hlessa eins og geitungar úr geitungabúi. Þau verða þá að vera skjótari en skugginn að skjótast burt á gröfunni stallsystkinin...

[Jóhannes Ragnarsson, 28.5.2018 kl. 22:49]

[Þorsteinn H. Gunnarsson, 28.5.2018 kl. 23:20]

Bróðir minn sem er gamall sjómaður ók Bláfjallaafleggjarann nú undir kvöld. Hann sagði að það hefði verið alveg svaka miklir sviftivindar niður úr einhverjum skörðum í fjallgarðinum. Sem gamal bóndi hef ég áhuga á veðurfræði. Mér þótti Vigdís svaka djörf að fara í fallhlífarstökkið, ,, ég verð að segja það". Nú væri færi fyrir hana einhvern tíman að láta aka sér upp á Sandskeið og fljúga upp í skörðin og stökkva þar og taka salibunu út á Faxaflóa. Auðvitað yrði Gæslan að vera viðbúinn, að bjarga. Skárra væri það nú.