Ævilangt þjakaðar af harðlífi

Allan fjandann er það farið að titla sem listamenn. Nú er sá sem tekur hálgildings klámmyndir fyrir framan portrett af löngu sáluðum stjórnmálamönnum orðinn listamaður. Og innspírasjónin, sem meintur listamaður hefir verið snortin af er ekki af verri endanum: Brenglaðar fémínístakérlíngar, skaðmenntaðar af langvarandi háskóladundi og ævilangt þjakaðar af harðlífi og einhverskonar tuddavonsku; sumir segja að sona kéllíngar séu geggjaðar, en það eru ekki mín orð.

Okkur verður hugsað, nú þegar listamannstitillinn hefir orðið gríðarlegum gengisfellingum að bráð, til Jónasar, Kjarvals og Laxness og berum þá saman við giljagaura á borð við Hallgrím á bílrúðunni, Sjón og þessa Indriðadóttur sem tekur ljósmyndir af berbrjósta gelgjum. Og það setur að okkur óstöðvandi hlátur, en jafnframt mikla sorg því hnignunin er er þess eðlis að ekki eru tiltæk orð yfir þann fjanda.

Undir kveld barst okkur skrifleg yfirlýsing frá Indriða Handreði sjálfum þar sem fram kemur að hann harðneitar að vera nokkuð viðriðinn ljósmyndir af hálfberum stelpukvikindum, ennfremur að hinn meinti listamaður sé ekkert í ætt við hann þó svo vilji til að þetta sé Indriðadóttir. Og Kolbeinn Kolbeinsson kemur vini sínum og kviðmági til aðstoðar og vottar að Handreðurinn fari með alveg hárrétt mál í yfirlýsingu sinni 

Facebook tók stjórnina

Athugasemdir

[Aztec, 4.6.2018 kl. 22:09]

Það skýtur skökku við þegar Íslendingar, þessi teprulegasta þjóð í heimi eða því sem næst, fara að væla yfir ritskoðun á myndum. Og sérstaklega þegar öfgafemínista eiga í hlut. Ég skellihló bara.

Hér á landi hafa femínistar sett samasemmerki milli nektar og nauðgunar, hvorki meira eða minna:

Nekt = Klám, Klám = Nauðgun.

Enda sér maður á öllu landinu kvenfólk vaða áfram íklæddu vaðmálsbuxum og lopapeysum og öðrum álíka druslum til þess að það sé öruggt að ekki sjáist í bert.