Fávís illmenni og ofbeldishrottar

Það var eftir öðru að vorir vergjörnu listjötnar gerðu veslings fótboltalandsliðið okkar að einhverskonar heilalausum ofbeldishrottum í stíl við forherta glæpamenn, sem voru uppi fyrir þúsund árum og fóru um víkur og voga með ránum, morðum og naugunum, hnepptu fólk í þrældóm og fóru með það eins og hvurjar aðrar skepnur. Auk þess er gefið til kynna á hinni eikennilegu mynd af landsliðinu, að þar fari ungri menn sem vísir séu að kveikja í höfuðborg Rússlands og brenna sjálfa Kreml til ösku.

Og í höfuðstöðvum KSÍ öskra menn og veina: gaman, gaman! og sjá ekkert athugavert við ofbeldishrottamyndina af landsliðinu. Með þessu framferði hefir KSÍ gert lýðum ljóst að þeir séu nautheimskir barbarar og illa þefjaðir Leppalúðar og ekki á neinn hátt hæfir til að fara fyrir ungum íþróttamönnum. Megi slíkt apparat hrapa skyndilega fyrir ætternisstapa andlegrar örbygðar.

Á umliðnum árum hafa strákarnir í íslenska knattspyrnulandsliðinu vakið athygli fyrir hógværð og ágætar gáfur í fjölmiðlaviðtölum. Gort, rembingur og fúlmennska er þessum drengjum fjarri og því er eru það kaldar kveðjur til þeirra að teikna þá upp í líki fávísra illmenna og ofbeldishrotta. 

Landsliðið sýnt í víkingalíki

Athugasemdir

[Aztec, 10.6.2018 kl. 18:47]

Þetta er ágætis teikning. Vonandi fá strákarnir boðskapinn.

En ekki vantar það að gagnrýnisraddir séu í gangi til að bera róg á víkingana, sem voru alvöru karlmenn með hreðjarnar á sínum stað og voru ekki að láta óvini sína komast upp með neitt. Og hvað varðar rupl, rán og nauðganir þá voru víkingarnir hinir siðprúðustu í samanburði við það sem áhangendur ákveðinnar hugmyndafræði hafa stundað sl. 1400 ár.

En aftur til nútímans. Að mínu áliti misstu íslenzkir karlmenn hreðjarnar einhvern tíma á 10. áratug síðustu aldar og hafa ekki fundir þær síðan. Og í dag þegar öfgafemínistar og aðrir vinstribæklaðir forræðishyggjusinnar ráða lögum og lofum hér á landi eru allir karlmenn, sérstaklega karlkyns stjórnmálamenn orðnir að kynlausum slyttum. Viljum við það? (Og með Við þá á ég við venjulegt fólk).

Við verður bara að vona, að landsliðið taki sig saman og sýni að þeir séu ekki einhverjir aumingjar með hor í augunum. Að þeir berjist um boltann til síðasta blóðdropa, ekkert minna. Ef ekki, geta þeir alveg eins gefið fótboltann upp á bátinn og farið að keppa í kjóla-strauningum hjólandi íkæddir háhæluðum skóm.

[Jóhannes Ragnarsson, 10.6.2018 kl. 19:29]

Fyrirgefðu, en ekki blanda fémínístum, allra síst öfgafémínístum, inn þetta.

[Aztec, 11.6.2018 kl. 00:20]

En ertu þá samþykkur öllu hinu sem ég skrifaði?

[Jóhannes Ragnarsson, 11.6.2018 kl. 14:06]

Ja, ætli maður verði ekki að vera hlutlaus.