Áhöfn slíkra borgarísjaka er afar hættuleg mönnum, sem dæmi sannar

Nú er eins gott fyrir þá í Húnaflóanum að fara með bænirnar og skríða niður í kjallarana sína og læsa vel að að sér. Það  er kunnara en frá þurfi að segja, að einmitt á sona borgarísjökum, eins og þessum sem stefnir inn Húnaflóa, er iðulega allt morandi í ýmiskonar kvikindum. Frægastir eru ísbirnirnir, enda afkastamikir í hörðum leik, en fast á hæla þeirra hvað frægð og harðýðgi varðar koma síðan rostungarnir og eskimóarnir. Þá eru hinir blóðgrimmu heimskautarefir sérlega hættulegir sem og hinir hvassbrýndu morðernir, sem ævinlega hafa beykistöðvar sínar á borgarísjökum.

Ef illa tekst til má gera ráð fyrir að borgarísjakinn taki land á Hvammstanga og þar með að áhöfnin á jakanum, þokkaleg sem hún er, hefji þegar í stað leifturárás á íbúa staðarins. Og hræddur er ég um að Hallmundur minn Guðmundsson ríkisstarfsmaður muni komast í hann krappan strax á fyrstu mínútum árásarinnar og megi þola svo og svo langt umsáturástand við hús sitt. Ég vona auðvitað að Hallmundur eigi góða byssu sem hann geti varið sig með, því við sona aðstæður er nausynlegt að koma einu og einu skoti á andskotana ef ekki á illa að fara.

Árið 1968, ég held ég fari rétt með ártalið, kom borgarísjaki, mannaður mannýgum kvikindum, rorrandi inn á Húnaflóa og lét ekki staðar numið fyrr en við fjörkampinn á Blönduósi. Eftir þá heimsókn varð að manna Blönduós upp í nýtt því ísbirnirnir og hin kvikindin voru svöng og vóru fljót að éta alla íbuana. Sumir Blönduóssbúa reyndu að bjarga sér á hlaupum, en þá kom til kasta eskimóanna sem skutu þá niður með nettum hvalskutlum. Það sást síðast til þessa sóðahyskis hvar það dró feng sinn upp á borgarísjakann og ýttu að so búnu frá landi og rorraði jakinn til baka út flóann og hvarf sjónum manna. 

Borgarísjaki stefnir inn á Húnaflóa

Athugasemdir

[Þorsteinn Briem, 10.6.2018 kl. 21:14]

Hvítabirnir átu Ómar Ragnarsson flug(u)mann í Árneshreppi í fyrrasumar en hann gapir enn afturgenginn og fer nú opinberlega með nákvæmlega sömu þulurnar og þegar hann var í tölu lifenda. 

[Aztec, 11.6.2018 kl. 00:30]

Ég er ekki frá því að byssuglaðir og blóðþyrstir sérsveitamenn fái fiðring í fingurna við þessar fréttir.

Þess minnast allir, hvernig varnarlaust ísbjarnargrey var myrt á hrottafenginn fyrir norðan fyrir nokkrum árum síðan, þrátt fyrir að danskir dýravinir voru tilbúnir með búr handa Bjössa til flutnings til frænda okkar, inúítanna sem söknuðu hans mikið.

Hvernig væri í staðinn sú snjalla hugmynd að búa til brúðulíki af þingmönnum Pírata, fylla þær með rauðum vökva og leyfa sérsveitarmönnunum að æfa sig og fá þannig útrás svo þeir veitist ekki að varnarlausum dýrum í matarleit? Ekkert gaman fyrir þá að eiga AR15-riffla ef þeir mega ekki nota þá.