Jóhannes Ragnarsson

5.7.2018 | 20:51

Samkeppnis hvað?

Hvurn fjandann eru þeir að nuddast utan í hann Gvönd okkar hérna úr Rifi? Þykjast þessir bannsettir asnar ekki vita að í útgerðinni eru allir samherjar og því meiri samherjar sem ríkið úthlutar þeim stærri aflaheimildum á ári hvurju. Svo er forseti Alþingis samherji samherjanna og Bjarni Ben og litla jómfrú Alfredós eru líka samherjar. Hinsvegar er Katrín litla ekki samherji og það er vegna þess að hún nær ekki vigt, er sem sé ekki orðin 37 kílógrömm, hvað sem síðar verður.

Svo er það ,,Samkeppniseftirlitið" svokallaða. Það minnir geðveikraeftirlitið, því samkeppni heyrir til geðsjúkdóma en einkum þó ósvífinnar karakterheimsku. Og yfir þetta géðveika samkeppniseftirlit hafa þeir sett framsóknardrússa af Höllustöðum í Húnavatnssýslu, son hans Pelle framsóknarbola. Það er einmitt þessi Höllustaðardrússi sem þykist hafa tekið eftir einhverju misjöfnu hjá hönum Gvöndi. Það er alveg stórmerkilegt hvað fær framsóknargöglin til að rumska; ekki vökuðu þau þegar Sigurður Ingi lét Alfredínu ráða dýralækni í vegagerðina, ekki frekar en þegar þeir sjálfir einkavinavæddu bankakerfið og létu símann hverfa eins og gufustrók til hymmna.

Vér gerum öll ráð fyrir að hann Gvöndur okkar kippi sér ekkert upp við þetta kynduga framsóknarhnubb, taki ekki einusinni eftir því. Sennilega mun Höllustaðadrengurinn fá á baukinn ef honum tekst að vinna spjöll með athæfi sínu sítt grunduðu. Í þá gömlu góðu daga tóku menn óknyttadrengi til handargagns og brytjuðu þá niður í beitu úti á sjó. Það fiskaðist stundum sæmilega á götustrákana, einkum þá rauðhærðu. Í annálum frá nítjándu öld má finna frásagnir af því hvernig menn sökkhlóðu skútur sínar eftir að hafa beitt rauðhærðum götulubbum og sumir hreinlega fiskuðu sig í kaf.