Endalok ljósmæðgna og þungavigt Swandeesý

Jæja, þá er fátt annað eftir en að leggja ljósmæðgur niður og banna barneignir á Íslandi með lögum að viðurlagðri geldingu, ef svo ólíklega vildi til að einhver mundi voga sér að brjóta gegn því banni. Geldingin færi fram á almannafæri að undangenginni auglýsingu þar um.

Það er léttir fyrir samninganefnd ríkisins Swandeesý Sendiherrans, Bjarna Ben og Katrínu Kobba að vera laus við ljósmæðgur, ljósmæðradeiluna og allt deleríumið tremensið krigum það. Senni lega verða þau svo ofsakát í kvöld að þau hafa í staupinu og drekka sig út úr af gleði yfir málalokunum. Við skál þykir Swandeesý illskeytt og þunghögg og mættu guttar á borð við Gulla litla Þór og Birgir Ármanns vara sig á að egna hana upp undir þeim kringumstæðum, því hún gæti kjafthöggað þá svo að lufsan af þeim fyki til Blálands.

En hvað verður þá ljósmæðgur eru úr heimi hallar og ekki til lengur? Hvaða garmar ríða næst á kjarabótavaðið? Ætli það verði hjólreiðamenn, lestarmenn eða kettir? Þá munu samningar krimma vera útrunnir og eins gott fyrir samninganefndirnar að opna allar fjárhirslur, því krimmarnir haf volduga flokka á bak við sig, sem kalla fátt ömmu sínu og því síður afa.

Hefðu misst stóran hluta vaktaálagsins