Andskotann ekkert skárra

Það lætur ekki að sér hæða liðið á þjóðhátíð, enda er samkoman sú arna ekki kölluð þjóðhátíð fyrir ekki neitt. Og vissulega eru líkamsárásir og nauðganir fastar keppnisgreinar á þjóðhátíðinni, ásamt dauðadrykkju, dópáti og aulaheimsku. Umrædd þjóðhátíð er líka þjóðhátíð vegna þess að þar sameina Eyjamenn og aðrir Íslendingar aumasta lágmenningareðli sitt í viðhafnarumbúðum; þessi ósköp stappa nærri fullveldishátíð elítunnar á Þingvöllum fyrr í sumar, en sú samkoma náði fram sjaldgæfum tónum úr öskustó þjóðareðlisins.

Vel má gera ráð fyrir að almenn ánægja sé með innvortisblæðingar og beinbrot þjóðhátíðarkeppenda og þær, þ.e. blæðingarnar, séu til marks um heilbrigða sál í hraustum líkama. Og eflaust hefur mikill fögnuður ríkt þegar nauðgunarverðlaunin voru veitt hraustum sonum íslensku þjóðarinnar; það má skohh halda þjóðhátíð fyrir minna.

Næst verður það skrímsladeildin í borgarstjórn Reykjavíkur sem heldur þjóðhátíð í ofdrykkju, dópsvalli, líkamsmeiðingum og nauðgunarmenningu undir yfirskyni ,,menningarnætur" og heldur því svo fram í fjölmiðlum á eftir að allir hafi skemmt sér konunglega og verið til fyrirmyndar á öllum sviðum. Eða eins og rottan sagði eftir að hafa bjargað sér með naumindum niður í holræsið undan orrustugný og blóðsúthellingum menningarnætur: ,,Ja, þetta er andskotann ekkert skárra en í loftárásunum á Dresten í seinna stríðinu".

5 líkamsárásir og 3 kynferðisbrot

Athugasemdir

[Aztec, 8.8.2018 kl. 14:29]

Nú held ég að þú sért að ýkja. Á menningarnótt fer ég alltaf niður í miðbæ (þangað sem ég á öllum öðrum tímum nenni ekki að fara, enda er miðbærinn handónýtur eftir margra ára vandalisma af hálfu skipulagsyfirvalda). Ég er alltaf mættur þangað kl. 23 gagngert til að horfa á flugeldana og fer svo heim aftur. Allt er friðsamlegt og með kyrrum kjörum.

Ég hef aldrei séð blóðug lík á götunum á umræddri menningarnótt þegar upp er staðið, og því síður hópnauðgaðar konur (enda engin nauðgunarmenning komin hér enn ólíkt því sem er í Pakistan). Einu blóðsúthellingarnar sem gætu komið til greina væri ef einhver ung kona færi skyndilega á túr og hefði ekki túrtappa meðferðis. 

[Jóhannes Ragnarsson, 8.8.2018 kl. 14:52]

Að ég sé að ýkja?
Nei nei, það held ég ekki. Mér er, sem maður segir, ekkert gefið um skrök.