Öhöhöhöhö, það verður gaman að sjá hvernig það tekur sig út í vor

Loksins er búið að slökkva á þessu sukki í Hveragerði, sennilega fyrir fullt og allt, hvað sem ofurlaunaður bæjarstjórinn tautar og raular. Eftir þessu hefir hefir þjóðin beðið í áratugi og því ekki að unda þótt fagnaðarlæti hafi brotist út sumstaðar þegar fréttist af rafmagnsþurrðinni í greninu. Það verður gaman að sjá hvernig þeir taka sig út í ljósleysinu í nótt þegar þeir verða orðnir ærir af myrkhræðslu og vita ekki sitt rjúkandi ráð.

So má búast við að rumpulýður komi í heimsókn og ræni öllu sem hönd á festir, jafnvel kerlingum bændakurfanna og selji þær fyrir slikk í barbaríinu Reykjavík. Og þá haustar að og vetur fer á má búast við að kólni í bælum þeirra Hvergerðinga og þá dugi aungin venjuleg hvílubrögð til að halda á sér hita. Hér fyrr meir, þegar Kolbrandur bróðir Kolbeins var útilegumaður bjó hann sem einn refur í greni allan veturinn, en hljóp af og til til byggða til að þíða sig upp hjá kerlingunum á bæjunum og ræna sauðaketi, eldspýtum og brennivíni til að hafa með sér til baka. Já, góðir vinir, hann Kalbrandur varð snemma vondur maður.

Nú, það má líka fara í leik að geta sér þess til hvernig umhorfs verður í Hveragerði í vor ef svo lánlega til tekst að þeir verði rafmagnslausir ennþá. Það má svo semgera ráð fyrir að þeir verði orðnir rytjulegir þá, eins og frosbarðir apakettir með kalsár á rassinum eftir að hafa farið óvarlega um nætur. Já. Það er nú svo. So, so getur líka vel verið að allir verði flúnir og flóttamannabúðir, tjöld og soleiðis, verði upp slegnar í Rauðhólum eða við Elliðavatn. Nú, eða flóttamennirnir og konurnar verði flúin með börn sín úr landi og stefni á Sýrland eða Afganistan til að jafna flóttamannavandamálið. 

Íbúar sjá fram á rafmagnslausa nótt

Athugasemdir

[Þorsteinn Siglaugsson, 7.8.2018 kl. 23:04]

Flóttamannajöfnun er ákaflega góð hugmynd og miklu betri en kolefnisjöfnun sem er nú í tísku. Þannig má losna við allt illþýði af landinu og fá nýtt og skárra illþýði í staðinn úr barbaríinu.