Það felast tvímælalaust mikil tækifæri í íslandsfígúrunni

Mikið ósköp fer henni Katrínu Jakobsdóttur vel að leika íslandsfígúru í Manítóbu og Dakóta, einkum fer henni giftusamlega að vaða elginn Dakóta, ekki síst vegna þess að nafnið eitt, ,,Dakóta", minnir so undur notalega á De code, sem þónokkuð margir Íslendingar minnast vegna skyndilegrar péníngaþurrðar í eigin vösum. En það hljóta að felast mikil og mörg tækifæri í hæfileikum Katrínar sem íslanfsfígúru; trúlega er hægt að selja fullt af fiskigumsi út og suður um allan heim fyrir tilstuðlan fígúrunnar að ekki sé nú talað um glæsilegt lambakétsprang út á myndina af fígúrunni.

Sennilega væri vel hægt að selja lambakétið í tvígang ofan í hina heimsku útlendinga, bara með því að láta þá horfa á auglýsingamyndband af íslandsfígúrunni í ham; fyrst ætu þeir lambið upp til agna beint af kétkróknum í sláturhúsinu og síðan ætu þeir lambið aftur eftir að það væri búið að fara einn gang gegnum meltingarfæri étendanna. Já, vinir minir og landar, við skulum ekki gerast sek um að láta borðliggjandi tækifæri framhjá okkur fara eingum við að einhenda okkur í að láta Katrínu Jakobsdóttur Steingrímsdóttur Svavarsdóttur sprella með rykkjum, skrykkjum, skellum og smellum framan í útlendinga og senda hana þeirra erinda um allan heim að selja íslenskt hugvit, íslensk matvæli, íslenskan anda, - já, selja bara Ísland í heild sinni hæstbjóðanda eins og farlama truntu, sem þetta volaða skítaland er í raun og veru.

Í næsta mánuði ættu svo góðir hagþenkjar og viðskiptamenn að fara með íslandsfígúruna aftur til Manítóbu og Dakóta og brúka hana í botn til að selja Westur-Íslíngunum ekta íslenska stjórnmálamenn og stjórnmálaflokka. Katrínu ætti varla að vera ofraun að selja ágjörnum Westur-Íslíngum foreldra sína, þau Steingrím, Swavar Sendiherra og Álfheiði og aðra flokksfélaga sína í kippum fyrir slikk; ennfremur mun íslandsfígúrunni verða létt verk löðurmannlegt fyrir fígúruna að selja flokkssystkyni sín í öðrum íslenskum stjórnmálaflokkum til garðyrkjustarfa og akuryrkju í Westurheimi. Mikið óskaplegt þjóðþrifaverk væri að losna við allt það endemis pakk, sem hefir með hverjum deginum sem liðið hefir á siðustu misserum gjörst æ leiðinlegra og meira samfélagsskemmandi. Hinsvegar væri bráðskemmtilegt að fylgjast með þeim þarna fyrir westan þegar þeir færu að reyna að tjónka við endemin frá gamla landinu, sem þeir voru svo vitlausir að kaupa fyrir tilstilli íslandsfígúrunnar Katrínar. 

Áhugaverð saga og auknir möguleikar