Nikótínböðullinn Kölski hjá Chelsea

Það lítur helst út fyrir að forráðamenn Chelsea hafi verið þau sauðnaut að ráða tóbaksböðul sem framkvæmdastjóra hjá sér. Og víst er umræddur nikótínþræll alræmdur fyrir ofsalega reyktóbaksnautn, sem keyrir oft og iðulega um þverbak í öfgum. Á Ítalíu, þar sem þessi sígarettufantur er upp æskaður var hann alltaf kallaður Kölski af því hann reykti svo ofboðslega. Þetta er nú fyrirmyndin sem æskulýðsleiðtogarnir hjá Chelsea bjóða ungviðinu uup á. Ja svei!

Við verðum bara að vona að Kölski framkvæmdastjóri sé ekki í skjóli myrkurs að pukra við fleiri ódyggðir en tóbakdreykingar. Sona kallar eru nefnilega vísir með að afvegaleiða æskulýðinn með allskonar ósiðlegum uppátækjum, sem auðveldlega geta leitt fyrirmyndarbörn útí glæpi og óeðli. 

Það besta í stöðunni nú er að Chelsea tapi öllum knattspyrnuleikjum héðan í frá meðan Kölski stýrir liðinu og hleypur á fimm mínútna fresti afsíðis til soga ofan í sig ramman tjörureyk úr viðbjóðslegum vindlingum. Ef karlskepnan tapar nógu grimmt mun stjórnin sjá að sér og reka hann frá félaginu, en soleiðis á einmitt að géra við alla nikótínböðla hvar sem í þá næst.

Sarri fær sitt eigið reykingasvæði