Jóhannes Ragnarsson

15.8.2018 | 19:09

Og hún mun ekki taka Samfylkingarstóðið neinum vettlingatökum

Nei, það verður ekkert gamanmál fyrir skrifstofustjóra Samfylkingarinnar í ráðhúsinu að taka afleiðingunum af því að reyta frú Vigdísi Hauks til reiði. Sem kunnugt er þá er Vigdís fræg fyrir að taka andskota sína aungvum vettlingatökum og dusta soleiðis úr þeim rykið að ekki stendur steinn yfir steini í hausnum á þeim á eftir. Það hefir sem sé ekki góð áhrif á skrifstofuhald Samfylkingarinnar í ráðhúsinu að siga skrifstofustjóranum eins og blindum rakka á Vidísi Hauks.

Áðue en Vigdís Hauks hvarf úr röðum alþingismanna snöri hún Steingrím J. Sigfússon niður í eitt skipti fyrir öll þannig að hann hefir ekki getað setið síðan. Um svipað leiti lagði frú Vigdís allnokkra Framsóknarmógúla á kné sér og hýddi þá stórhýðingu, það var mikil barsmíð og hávaðasöm á köflum. Síðan slóst hún í för með hönum Sigmundi okkar hérna Dávíð, þegar hann skreið frá Fjóshaugnum með slitna brynja og sundrað sverð, en skildi Sigurð Inga og litlu frauken Alfredós eftir grénjandi í Fjósflórnum.

Á morgun. Á morgun. Á morgun lætur Vigdís Hauks til skarar skríða og mun snarlega hafa endaskipti á Samfylkingarstóðinu í ráðhúsinu; þá verða Dagur, skrifstofustjórnn Samfylkingarinnar í ráðhúsinu, og Heiða Björg á höltum klár, fá að finna hvað réttlát refsing yfir brotagemlingum getur verið sár og illþolaleg. Það er því vissara fyrir Dag og dömurnar hans að setja potthlemma á rassana á sér í fyrramálið áður en þau neyðast til að ganga á fund frú Vigdísar Hauks því á morgum ætlar hún ekki að spara vöndinn.