Vér frábiðjum oss stríðsæsingar noskrar stríðskonu og töðukellingar

En hvað það er nú dásamlegt að Ísland er orðið mikilvægari samstarfsaðili í stríðsfélaginu NATO og kanski góðar líkur, ef vel tekst til, á að hér verði settur á her og herskylda og innan skamms verðum við vonandi komin í gott stríð með fallegum manndrápum, sprengingum og eyðileggingu. Það eru mikil forréttindi fyrir einn norskan töðumálaráðherra að tilkynna ekki minni höfðuðsnillingum en Guðna Th. og Gulla Þórðar þessar einstöku gleðifréttir.

Samt gæti ég best trúað að til séu þeir Íslendingar sem frábiðja sér stríðsæsingaboðskap Ínu Máríu hinnar norsku og þá þokkaiðju hennar að hræra og gera hasa í hégómafullum stuttbuxnadrengjum og æsa þá upp í stríðsham. Það er ekki þakkarvert að spila á þann hátt með einfeldninga og sakleysingja.

En þessi uppákoma með Ínu Máríu er svo sem í stíl við annað í þjóðfélaginu. Nú ku það vera farið að gretta sig framan í hvað annað í borgarstjórn Reykjavíkur og reka tungurnar upp í hvurt annað. Megum vér biðja að þessháttar ósköpum linni og hlutaðeigandi borgarfulltrúar verði settir af og þeim komið þar fyrir sem minnst óþrif stafa af þeim. Hvort Ína Máría hafi rekið út úr sér tunguna framan í Guðna kallángann eða Gulla er ekki vitað á þessari stundu, en það á eflaust ýmislegt eftir að koma í ljós, ef marka má dólgslegar yfirlýsingar nöfnu Ínu Máríu, þ.e. Máríu Borgargagns.

Staðsetning Íslands mikilvæg á ný

Athugasemdir

[Aztec, 17.8.2018 kl. 20:27]

Ég hef engar áhyggjur af NATO, nema hvað það mætti sparka islamska Ottoman-ríkinu (Tyrklandi) úr hernaðarbandalaginu. Vonandi verður tekið á því kýli sem Erdogan er. 9 mm er hæfilegt, en .44 ætti líka að duga.

Hins vegar lízt mér illa á "mik­il­vægi þess að þriðji orkupakki Evr­ópu­sam­bands­ins verði að fullu hluti af EES-samn­ingn­um". Það má ekki gerast. Núverandi og síðustu ríkisstjórnir undir Ernu Solberg hafa staðið sig mjög illa gagnvart ESB. Erna hefur verið eins og rakki með lafandi tungu lepjandi allt út úr rassgati kommissaranna í Brüssel og hreinlega afhent þeim allt norska orkukerfið sem hafa farið hundruð milljarða í að byggja upp (þeir sem ekki vita það þá eru háspennumöstur upp og yfir öll fjalllendi þar, enda notar Noregur eins og Ísland nær eingöngu endurnýjanlega orkugjafa sem ESB vill læsa klónum í.

Gulli hefur af pólítískum andstæðingum sínum aldrei verið álitinn beittasti hnífurinn í skúffunni. En nú verður að reyna á það hvort hann standi fast á hagsmunum Íslands gagnvart ESB eða hvort hann láti norska föðurlandssvikara segja sér fyrir verkum.

Enda er sú tíð liðin þegar Norðmenn höfðu hreðjar til að standa uppi í hárinu á Nazistunum þegar aðrir á meginlandinu létu vaða yfir sig. Mikill meirihluti er enn andvígur norskri aðild að ESB. Vandamálið eru hins vegar svikararnir í ríkisstjórninni eins og í öllum öðrum ríkjum í Vestur-Evrópu.

Og hananú.