Og fór í kássu á egghvössu grjótinu

Þeir sem snortnir eru af krataeðli biðjast hvorki afsökunar né fyrirgefningar af því þau hafa ekki lengur hæfileika til þess; krataeðlið byrjar allataf á, þegar það kemst inn í heila fórnarlambsins, að ráðast á heilastöðvarnar þar sem fyrirgefningarnar verða til og lama þær. Þess vegna er ekki til neins að heimta afsökunarbeiðni að telpukindinni Kristínu Soffíu; þér getið allt eins heimtað afsakanir og fyrirgefningar af dauðum þorski í plastkari niður í lest í Samherjaskipi Þorsteins og Steingríms, allt er það til einskis.

Nú er mála sannast að heldur hefir verið að hallast meir á ógæfuhliðina varðandi kjörna fulltrúa borgarstjórnar Reykjavíkur; það er alveg eins og með alþíngiskosningarnar, að æ skelfilegri gripir eru sendir þangað inn, ósiðaðri og óþrifalegri. Í síður borgarstjórnarkosningum keyrði um þverbak hvað mannval varðar og hefir allt verið þar á tjái og tundri síðan og borgarfulltrúar gjörst berir af kynlegum subbuskap til orðs og æðis.

Þegar lýðræðið er fótumtroðið með þeim hætti sem borgarfulltrúar hafa gerst sekir um, þá vakanar spurningin hvort ekki sé hægt að reka verstu og vitlausustu borgarfulltrúana úr starfi og kjósa aðra í staðinn. En, ónei, - helvítis himpigimmpin eru friðhelg til næstu kosninga og mega kjósendur því sitja uppi með þennan óþverrafénað í fjörgur ár. Starandi og grettandi sig í allar áttir, sendandi hvurju öðru tóninn í fjölmiðlum með allskonar særandi brigsyrðum og ónotum eru ær og kýr nútíma höfuðborgarstjórnara. Það var ekki af ástæðulausu sem heimilis- og smalahundurinn Snati ýtti við Ólafi bónda með trýninu svo að Ólafur hrapaði fyrir björg og fór í kássu á egghvössu grjótinu 60 föðmum neðar.

Vilja að Kristín Soffía biðjist afsökunar