Jóhannes Ragnarsson

10.9.2018 | 21:35

Títa Snót í fararbroddi nútímamenningar á Íslandi

Samkvæmt Títu Snót Valdimarsdóttur, sem kunn er fyrir djús og djamm, er komið að því að íþróttahreyfingin færi sig til nútímans og geri djús, þ.e. áfengisneyslu, að reglulegum hluta íþróttaæfinga. Heitkona Jóns Íþróttamanns, hlandsprengjan Oktavía Fest Pálsson, er móðursystir Títu Snótar og hennar helsta átrúnaðargoð og áhrifavaldur. Oktavía hefir á sinni stórmerku æfi drukkið feyknamagn af Lemongini og út frá því þókti Títu Snót tilvalið að nefna veitingastað sinn Lemon. Fyrst um sinn munu íþróttaiðkendur í Versölum þurfa að meðtaka allt að sjö tvöfalda Lemongin á hvurri æfingu.

Það verur örugglega bálfjörugt á æfingum fimleikafélagsins Gerplu þegar allar nettu og kattliðugu fimleikastúlkunar hafa innbyrt sjö tvöfalda Lemóngin; þá má búast við að ærslin á tvíslánni verði æsilegri nokkurn gat órað fyrir. Og í Salalaug veður andrúmsloftið afslappað,eins og í Pollinum í Tálknafirði í gamladaga, þegar gestir hafa meðtekið svo og svo mikil ósköp af þessu Lemongini og sundfötum hefir fækkað umtalsvert. Það skal tekið fram að Lemógin verkar sterklega á kynferðistaugar karla og kvenna so búast má orgíum við og við í lauginni og heitu pottunum.

Já, hjartans vinir mínir nær og fjær, þau í bæjarstjórninni í Kópavogi eru sérlega glaðlynt og upplífgandi fólk, sem unnir þegnum sínum, ungum og gömlum, þess að vera fullum í baði, potti og sundlaug og leyfa sér allskyns ósæmilega hefðan, sem stranglega er bönnuð í öðrum sveitarfélögum. Á Akureyri, því víðfræga afturhaldsgreni, fær aunginn að fara í sundlaug og pott nema í samfestingum; þeir segja fyrir norðan, að þeir séu búnir að fá nóg af bölvuðu óeðli, lauslæti og fryggð í tengslum við baðstaði og íþróttalíf og því brugðist við nekt og stripli með samfestingum og búrkum.

Á meðfylgjandi mynd má sjá Títu Snót, hún er þessi í miðið, á góðri stund fyrr á árinu ...