Að snúa Ríkisútvarpið niður á rassgatinu og kæfa það í forarvilpu auðvaldsins

Litlu ungfrú Alfredó munar ekki um að snúa Ríkisútvarpið niður á rassgatinu og kæfa það í forarvilpu íslenskrar hægrimenningar en segjast samt ekki vera að skerða þjónustu þess og að ríkisstjórnin vilji áfram öflugt Ríkisútvarp. Og þessu metfé framsóknarauðvaldsins mun heldur varla flökra við að færa hinni sóðalegu fjölmiðlaskítastöppu á Íslandi góðar gjafir, sem vafalaust munu nýtast borgarastéttinni vel í baráttunni gegn almenningi.

Og Alfredósstúlkan ku vera í miklum metum hjá Steingrími J., en hann er sagður hafa lýst yfir að hæfileikar hennar jafnist hér um bil á við snilld Bjarkeyjar Ólsen. En sem kunnugt er hefir B. Ólsen bókstaflega brillerað og farið á kostum síðan hún gjörðist fylgikona og jólatré Steingríms í Norðausturkjördæmi.

Já, vinir mínir, litla fröken Alfredós er hál eins og áll, eða réttara sagt: hál eins og faðir hennar, orkuhússbóndinn mikli í rækjunni. Hvað sem þessi sperrta griðkona gömlu Framsóknarmaddömunnar vinnur hörmuleg myrkraverk í mennta- og menningarmálum, þá mun hún alltaf halda því fram að myrkraverkin séu ekki myrkraverk heldur þveröfugugt. Og þá Ríkisútvarpið liggur steindautt á hliðinni í Fjóshaugnum við Framsóknarfjósinu mun hún benda á það með löngutöng og lýsa því yfir að Ríkisútvarpið hafi aldregi verið jafn gríðaröflugt sem nú.  

Ekki stefnt að skertri þjónustu RÚV