Í forsvari fyrir stjórnkerfisarm

Í forsvari fyrir stjórnkerfisarm bófaflokksins á Alþingi fer Katrín Jakobsdóttir, alræmdur loddari úr skóla Steinsgríms, Svavars og Álfheiðar. Katrín er afar handgengin Bjarna Ben, sem fólk þekkir af ýmsu einkennilegu sem svo sannarlega orkar tvímælis, og í eftirdragi þessara tveggja höfuðskúespilara eru sendisveinar gömlu Framsóknarmaddömunnar, so geðsligir sem þeir eru. Þennan ófögnuð telja bófasamtökin fullboðlegan fyrir lýðinn og hóta að senda enn verri eintök á vettvanga ef þessi sami lýður er ekki ánægður.

Það virðist ljóst, að þeir Steingrímur og Svavar hafa samið stefnuræðu ,,forsætisráðherra að þessu sinni, þrátt fyrir að forsætisráðherranefnan hefi kringum sig aragrúa og jafnvitlausum aðstoðarmönnum úr dekurdýra- og undarennudeild VG. En um VG má það segja, að sá flokkur er ekki minni bófaselskapur en Sjálfstæðisflokkurinn og Framsókn, en það helgast af því að varla er nokkur stjórnmálaflokkur á Íslandi skipaður eins hræðilega óheiðarlegum einstaklingum og VG; loddarmennska, hræsnin, skinhelgin, lygin og óþverraskapurinn er svo inngróðinn og brennimerktur í þessa einstöku hjörð að fnykinn leggur af henni hundruðir kílómetra, jafnvel mót sterkum vindi.

Og er er þar með sagt að þetta fyrirbæri, sem kölluð er stjórnarandstaða sé að nokkru leyti skárri en stjórnarbelgirnir. Ó nei. Fyrir nú utan að stjórarandstaðan reiðir ekki vitið í þverpokum, þá bíða þessi endemi eins og minkar þess að geta sólað sig með einhverjum hinna hópana í meirihluta. Andlegri örbygð þessa auma lýðs er auðvitað ekki hægt að lýsa fremur en öðru því sem er auðn og tóm. Prívat og persónulega væri mér nákvæmlega sama þótt þessum auðuleysingjum væri öllum varpað á dyr og Alþingi lagt niður ef ekki er möguleiki á að fá annað en lygara, óþokka, loddara og heimsk sauðnaut til setu á þingi. 

Eldhúsdagsumræður að hefjast