Og framhaldsmynd fumsýnd bráðlega

Mikið metfé er Vigdís, enda eðalborinn afkomandi gömlu Framsóknarmaddömunnar. Fyrir þá sem ekki vita, þá er Framsóknarfjósið orðið tvær álmur, sem kallast ,,gamla álmann" og ,,geggjaða álman.", Geggjaða álman er nýleg og þar eru hýstar gamlar sálir og úrsérsprottnar, sem taldar eru hafa ill áhrif á húskarla og griðkur gömlu álmunnar, svo ill raunar, að hætta er á skammarlegum atburðum í Fjósinu.

Og eflaust hefir það verið hyggileg ráðstöfun gömlu Framsóknarmaddömunnar að hafa Sigmund Davíð og Vigdísi í sér fjósi til að hlífa öðrum frá útgeislandi heilagleik þeirra. Nú er sem sé komið á daginn að furðuverk Miðflokksins hafa í meðvitundarhefti óráði sínu gjört glæpakvikmynd hvar Vigdís er látin ræna borgarsjóð Reykjavíkur innanfrá, sona eins og útásarfíflin rændu bankana innanfrá, en frá sjónarhóli góðra auðvaldssinna er það góð aðferð til fjár og frama.

Í framhaldsmyndinni af Vigdísi og borgarsjóði, en hún er væntanleg til frumsýningar innan skamms, þá hefir Vigdís flutt þennan eina fimmeyring sem hún fann í péningageymslu Reykjavíkurborgar í öruggt skjól á Tortólu, en Dagur játað við yfirheyrslu að ástæðan fyrir tómum sjóði sé, að péééníííngarnir hafi verið sendir út að vinna fyrir borgarbúa, samkvæmt kenningunni ,,að láta péníngana vinna fyrir sig" og í hávegum er höfð hjá ævintýralega forhertum péníngagéðsjúklingum. Í lok mandarinnar er Vigdís gjörð að heiðurborgara og heiðursdoktór í Panama, eftir að myndir af henni fundust í sokölluðum Panamaskjölum.  

Vigdís braust inn í fjárhirslur borgarinnar