Jóhannes Ragnarsson

13.11.2018 | 13:32

Út er kominn ljóðabálkurinn ,,Þröng göng"

Út er kominn hjá bókaforlaginu Örvar&Úlfur ljóðabálkurinn ,,Þröng göng" eftir skáldkonuna Máríu Borgargagn. Þetta er frumraun Borgargagnsins á vettvangi fagurfræðilegra ljóðmæla og sem slíkt þá hefur henni tekist virkilega vel til. Það er sem sé ár og dagur og eitthvað meir síðan alskapað stórskáld, að ég segi ekki þjóðskáld, hefir stokkið, nánast upp úr aungvu, fram á ritvöllinn og slegið samstundis í gegn, því svo sannarlega hefir Máríu Borgargagni að hitta nákvæmlega á fínast gullstrenginn í hjarta þjóðar sinnar.

Ljóðabálkurinn ,,Þröng göng" skiptist upp í sex kafla og er víða dýrt kveðið og djarfmannlega telft. Fyrsti kaflinn, ,,Úr fjötrum til frelsis" hefst til dæmis á svo stórbrotinn og stórkostlegan hátt, að aungvu er til að jafna í íslenskri skáldskaparlist, allt annað verðu hégómi, hjóm, klunnaskapur. Til að gefa lesanda innsýn í það sem koma skal, þá hefst ljóðabálkurinn ,,Þröng göng" á þessa leið:

Þröng eru göng
og göng eru stöng.
Blærinn leikur um lindartréð í garðinum.
Gamall maður paufast bindur með brotin staf eftir gangstéttinni
fyrir framan gluggann.
Og þröng eru göng, þröng vóru göng,
en nú ek em orðin loðin og löng.
Þeir þöndu út göng með til þess ætlaðri stöng.
Nú missir sá gamli, blindi með brotna stafinn,
fótanna og stangar stéttina með hrjúfu enni sínu.
Handreðurinn vex og dafnar á náttborðinu.