Fransmenn sýna hernaðarskrýmslinu í vestri blóðugar vígtönnurnar

Þar dró að því að Fransmenn sýndu hinu ferlega hernaðarskrýmsli í vestri og foresetaafmán blóðugar vígtönnurnar. Líklega hefir farið fyrir forsetanum, þegar Fransarar urruðu á hann, eins og kattarafmán sem hefir skitið í hjónarúm húbænda sinna, þ.e. skriðið undir rúm eða inn í skáp liggur þar nú lamaður og skjálfandi eins og sinustrá í vindi. Og vissulega munu yfirvöld á Frakklandi ekki láta þar staðar numið heldur fara með herlið vestur um haf, herskip flogvélar og annað þarflegt, lækka t.d. skýjakjúfa í New York með kröftugri skothríð af orrustuskipum franska ríkisins.

Ef fer, sem horfir, að Frakkar geri alvöru úr gamni og geri ferð sína til Bandaríkjanna með óvígan her, að hætti Napóleons sáluga, þá munu hin kjaftforu en blauðu og undirförulu stjórnvöld í Washington þegar í stað gefast upp og þar með verða Bandaríkin lítilmótleg annexía frá Frakklandi. Það væri trúlega geðug lausn og farsæl á leiðinlegu vandamáli.

Og til að vera nú ekki minni menn en Frakkar ættum við Íslendinga að láta slag standa þegar Frakkar taka Manhattan og USA, að fara með okkar her og víkingasveit til Færeyja, Hjaltlands og Orkneyja og innlima þessar eyjanefnur undir íslenska ríkið. Sem betur fer eigum við nóg af gjörspilltum, pólitískum slúbertum sem hægt væri að gera að jörlum og hertogum á eyjunum atarna ef til til kemur. Sem kunnugt er, þá orðið allt of þröngt um okkur Íslendinga á okkar smánarlega skeri og oss skortir fleiri þræla og þjóna til að halda við höfuðstóli vorum. Avo er aflaust afar gaman fyrir drengina í víkingasveitinni og á varðskipunum að fá að taka Færeyjar. Ekki verður síðra fyrir þá að storma inn til Leirvíkur, sem er ein mikil höfn á Hjaltlandi, og gera þar gott strandhögg eins og gamla daga þá forfeður órir gjörðu þar þegar þeir voru á leið til Íslands til að nema þar land.     

„Láttu þjóðina okkar vera“

Athugasemdir

[Kolbrún Hilmars, 9.12.2018 kl. 18:20]

Þetta er gamall arfur franskra  frá seinni heimstyrjöld.  Frjálsir frakkar fengu hæli í Bretlandi á meðan breskir og amerískir ráku þýska hernámsliðið heim.  Sneru síðan heim sem sigurvegarar.  Þetta bjargræði hefur könum og bretum aldrei síðan verið fyrirgefið.

[Jóhannes Ragnarsson, 9.12.2018 kl. 19:27]

Kanarnir gerðu nú lítið annað en að græða á heimstyrjöldunum og lítið fór fyrir nasistarekstri þeirra frá Frans til Þýskalands. 

[Kolbrún Hilmars, 9.12.2018 kl. 19:30]

ÞAÐ er svo annað mál! :)