Vér stúdentar og doktórar úti í náttúrunni þar sem grasið grær Já ...

Öh-hö-hö-uuu, hjarna hér. ,,Húm var fimmtán ára á föstu, sextán ára í sambúð, seytján ára fríkaði hún út ... Ö-hö-hö-hö-hööö ... Það er nú soldið í það varið að fríka úr seytján ára með því að gerast stúdent. ,,Rjómántíkin, vinur, gétur verið sjúk." Fyrr má aldeilis fyrr vera; eða hvað segið þér um það? Sona afrek kemur að vísu spánskt fyrir sjónir hálf-gamals skröggs, sem tók sitt stúdentspróf sextán ára á þrjátíu og fimm tonna netabáti sem róðið var stíft á vetrarvertíð. Tveimur árum síðar gekk piltur svo undir doktorspróf á þrjúhundruð rúmlesta síldarskipi í Norðursjó, þar sem hann naut leiðsagnar valinkunnrar lærdómsmeistara. Í augum þessháttar manns er seytján ára stúdent hégómi, loft, fruss og ekki neitt.

Og út á hvað gekk svo þetta doktorspróf, kann einhver að spyrja. Tja það er nú það. Er hægt að svara á sona vettvangi ef svarið er þeirrar eðlis og náttúru að vera með öllu óprenthæft, nema þá helst á ósiðlegum skítamiðlum útgefnum af mafíum og þaðan af verri glæpadelum? Nú, það var auðvitað dásamlegt innlegg í doktorsnám þegar einn lærimeistarinn, EB Sigurðsson, sló knæpufélaga sinn og skipsfélaga, Sviftinginn, yfir borðið á Hirtshalskránni; bæði var að EB Sigurðsson rétti hnefa sinn yfir borðið og að Sviftingspaddan tókst á loft og kastaðist upp á næsta borð fyrir aftan hann og út af því hinu megin. Þá var fyrirlestur fyrrnefnds EB Sigurðssonar að morgni dags, frammi í klefa yfir drukknum telpum og jafn fullum piltum, um þá félaga Ólsen, Jensen og geitina mjög eftirminnilegur og vakti þá er á hlýddu til umhugsunar og grunsemda. Umgetinn fyrirlestur var á dönsku, sem vel var við hæfi þar eð við vórum staddir í danskri höfn. Í dag væri fyrirlestur sem þessi tekinn úr umferð og höfundi hans stungið inn á Litla Hraun.

En nóg um það. Hvað ætli blessuð seytján ára stúdents-telpan ætli að leggja fyrir sig? Máske fer hún að lesa lögfræði og verður um síðir ráðherra fyrir Sjálfstæðisflokkinn? Þau eru víst helvíti góð pungaprófin í lögfræði frá pungaprófsháskólanum við Öskjuhlíðina. Eða að læra til prests? Það hefir ævinlega verið stabíl atvinnugrein prestsskapurinn, og nú hefir kvennfólkið, síra Baldvini til ómældrar skapraunar, farið að læsra til brests og eru orðnar prófastar og byskubbar og hvað eina. Já. Þá væri lag fyrir dúfuna að taka háskólapróf í að passa krakka, en það er kanski fyrir utan og ofan við allt sem vitrænt skal teljast. Sennilega væri þó vitlegast að fara að ráði Bubba okkar Morthens, sem nú er orðinn þjóðskáld, og drífa sig út með kíló af hassi lengst út í náttúruna þar sem grasið grær.  

 

Sautján ára stúdent