Framsóknaráróður af fágætri tegund í höfuðstöðvum öreiganna

Það var mikið að eitthvað uppbyggjandi birtist á vef Starfsgreinasambandsins, sem er svo kunnugt er undir forsæti framsóknarsteggsins Björns Framsóknarmanns frá Akureyri. Það er nú kall í krapinu hann Björn Framsóknarmaður og vel tengdur hinni ævafornu Framsóknarmaddömu, sem árum saman hefir legið í kör í fjósi sínu, elliær, geggjuð og galin, já og oftar en ekki töluvert ölvuð í kör sinni. 

En nú hefir sem sé kærleikurinn skotið rótum í beykistöð litla framsóknarstúfins frá Akureyri undir nafninu ,,10 Ways to Attract Womwn - Love Systems." Hvorki meira né minna. Það er afar intressant að einn simpill verkalýðsforstjóri á vegum gömlu Framsóknarmaddömunnar skuli, án þess nokkur gæti rönd við reist, hafa tekist að þróa og hanna ástarkerfi, sem sé: Love Systems. Sonalöguð framkoma minnir á Fjandann úr sauðarleggnum og Andskotann upp úr súru. Hinsvegar veit aunginn til hvers framsóknarsteggurinn ætlar að brúka ,,ástarkerfið" til hagsbóta fyrir sárafátækt verkafólk, en eitthvað mun minnst á í leiðbeiningum með kerfinu, að það eigi að kenna skuldugum fátæklingum að elsa og virða gömlu Framsóknarmaddömuna, Sigurð Inga og Litlu Gölu Hænuna.

Um innihald framsóknaráróðurins ,,Love Systems" er ef til vill hyggilegast að hafa sem fæst orð. Þó er engan veginn hægt að horfa framhjá öllu hinu róttæka framsóknarklámi og þeim kynferðislega áróðri sem einkennir ástarsuystémið atarna og virðist vera ætlað til að draga kærleikann niður í svað kynóra sem hvergi eiga sér hliðstæður nema í svínastíunni og í fjárhúsum um fengitímann. Og svo er viðkvæmu blómi eins og Flosa krataunga, sem sat á barnum fyrir Alþýðubandalagið í gamla daga, gert að sitja faman við skjáinn og lifa sig inn í framsóknargetnaðinn ,,Love Systems", sem svo sannarlega gæti afvegaleitt drenginn og valið honum óbætanlegum andlegu skaða. Sona meðferð á Flosa geyinu ætti að varða við barnaverndarlög og væri réttast að fangelsa dárana sem neyddu þennan áróðursóþverra upp á strákangann.

Tölvuárás á SGS