Bróðursonur Fídels Castrós í forsetaframboð í Bandaríkjunum

Eins og nafnið segir til um, þá er Julián Castro forsetaframbjóðandi í Bandaríkjunum náfrændi Castós sáluga byltingarhöfðingja á Kúbu, bróðursonur hans nánar tiltekið. Júlíus þessi er ekki minni kommúnisti og byltingarseggur en Castró heitinn og gefur það Bandaríkjamönnum dálítil fyrirheit um að í vændum séu umskipti í landi þeirra; Júlíus litli hefir nefnilega í hyggju að steypa kapítalismanum í USA, Trumpinu og Teboðshreyfingunni; vonum vér að honum muni ganga vel það ætlunarverk sitt.

En hérna á Íslandi er þveröfugt farið; hérna gjörðu kapítalistarnir sér hægt um vik og geltu Flokkseigendafélag VG og innrituðu það fólk allt í Heimdall með einu pennastriki. Nú gegnir til dæmis Stengrímur kabílánsembætti í Heimdalli og Katrín, Álfheiður og Swandeesý eru allar kadettar og majórar. Svo getur uppheðin ásótt sum og lyft þeim í hæstu hæðir.

Frú Ingveldur kom að því þarfaverki að deila Flokkseigendum VG í sæmileg embætti hjá onum hérna Heimdalli og nú blæst Brynjar Vondalykt í lúður fyrir VGarana á bænasamkundum í Heimdalli. Auðvitað eru þessar lyktir mála afar farsælar, uppbyggjandi og til eftirbreytni í hvívetna. Að vísu lék einhver þann ljóta leik í síðustu viku að stífla lúðurinn Vondulyktarinnar með ullavettlingi og setja í þokkabót eitthvert andskotans patent í lúðurinn, sem blés lituðum óþverra til baka um leið og Brynjar hugðist vekja fyrsta tóninn. Stjörnusýslumaðurinn Stones var viðstaddur atburðinn í lúðrasveitarbúningnum sínum, en talið er að hann sé ekki viðriðin stífluna í hljóðinstrúmenti Brynjars Vondulyktar.

Harris í forsetaframboð 2020

Athugasemdir

[Mofi, 21.1.2019 kl. 16:19]

Hvað þurfa marga miljónir að deyja til að fólk eins og þú komist að þeirri skoðun að kommúnisminn var slæm hugmynd? Er kannski málið að þú vilt myrða miljónir og þess vegna finnst þér þetta frábær hugmyndafræði?

[Jóhannes Ragnarsson, 21.1.2019 kl. 17:01]

Hvaðan ber þig að garmurinn? Og hvar lærðirðu þessa fyrirlitlegu lífslygi? Sósíalisminn og markmið hans, kommúnisminn, er ekki slæm hugmynd og hefur aungann drepið, þvert á móti er sósíalisminn fegursta hugsjón, sem komið hefir fram á sjónarsviðið til þessa.

Hinsvegar eiga þeir sem þykjast þess umkomnir að bera morð og fleiri glæpi upp á kommúnismann, að byrja á því að telja saman þá sem kapítalistarnir hafa myrt, áður en þeir opinbera fávisku sína um hugmyndir Krists og Karls Marx, svo tveir yfirburðaandar mannkyns séu nefndir. 

[Mofi, 21.1.2019 kl. 17:04]

Hvað er fallegt við ofbeldi sem er nauðsynlegur partur af kommúnismanum? Ef þú ert ekki viss um hvað ég á við þá gæti þetta hjálpað til að útskýra: https://www.youtube.com/watch?v=Xuorv91vCVo

[Jóhannes Ragnarsson, 21.1.2019 kl. 17:46]

Hvar lærðirðu það að ofbeldi sé nauðsynlegur partur af kommúnisma? Á sama hátt hefur þú ef til vill lært að ofbeldi, morð og manndráp séu nauðsynlegur partur af kristni og kristindómi?

[Mofi, 21.1.2019 kl. 17:52]

Myndbandið útskýrði af hverju ofbeldi er nauðsynlegur partur af kommúnisma, ef þú getur útskýrt af hverju það er rangt þá hefði ég gaman að heyra þá útskýringu.

[Jóhannes Ragnarsson, 21.1.2019 kl. 18:06]

Æji, vertu ekki með svona vitleysu, kunningi. Ofbeldi á ekkert skylt við kommúnisma.

[Mofi, 21.1.2019 kl. 19:30]

Sagan segir að það er bein fylgni og þetta myndband útskýrir af hverju það er óhjákvæmilegt. Svo, ef þú getur varið kommúnisma málefnalega þá væri það eins og galdrar að fá að sjá það.