Leppalúði og Gluggaskraut

Ekki veit ég af hverju mér dettur alltaf í hug Leppalúði þegar ég heyri minnst á hæstvirtan forsætisráðherra, Katrínu Jakobsdóttur, eða sé þeirri kvinnu bera fyrir á sjónvarpsskjánum. Það er eitthvað svo undur sérkennilegt við konu, sem veður um innanhúss með þykkan og breiðan trefil margvafðan um hálsin, eins og hún sé við að drepast úr hálsbólgu, hálsmeini, hálskrabba, nú eða einhverju þaðan af verra. Þó held ég þetta með Katrínu og Leppalúða eiga eitthvað skylt við þá staðreynd að Katrín er pólitískur rugludallur, gluggaskraut pólitískra loddara og málflutningur hennar einn allsherjar hrærigrautur af frösum, upplifunum, samtölum og réttlæti borgarastéttarinnar.

Og nú leitar sú hugsun á, hvort ekki væri betra að hafa Leppalúða fyrir forsætisráðherra en gluggaskraut Flokkseigendafélags VG og Engeyinga. Samkvæmt heimildum er Leppalúði vitgrannur, ringlaður, smá-bilaður og úrræðalítill á allan hátt og jafnvel eru áhöld upp hvort hann sé lífs eða liðinn. Satt að segja er ég heldur á því að betra sé að hafa eintóma Leppalúða í ríkisstjórn frekar en undirförulan, falskan og ófyrorleitin loddarasöfnuð. Já, Leppalúði er sennilega mikið betri.

Þá er ekki úr vegi að geta þess hve það er óhugnanlegt að Alþingi er að koma saman í dag. Og það er þyngra en tárum taki að hlusta á þessi undirmálsendemi setja upp leikrit í gáfumannafélagsstíl í Alþingishúsinu og skíta þar hvurn lófastóran blett út með smekkleysu og skinhelgi ... 

Kynna tillögur í húsnæðismálum á morgun

Athugasemdir

[Magnús Sigurðsson, 21.1.2019 kl. 17:40]

Uss,suss, ussususs, Jóhannes.

Hvernig geturðu haft svona orð uppi um manneskju sem und­an­farið hefur unnið mikið starf í því að styrkja sam­tal aðila vinnu­markaðar­ins og stjórn­valda. 

Þar að auki fjór­tándi fund­urinn milli aðila fyrirhugaður á morg­un þar sem kynnt­ar verða niður­stöður átaks­hóps um hús­næðismál. 

Finnst þér hægt að tala um manneskju sem hefur lagt á sig annað eins samtals eins og hvern annan Leppalúða eða rugludall?

[Jóhannes Ragnarsson, 21.1.2019 kl. 18:03]

Eflaus ber mér að kenna í brjósti um Katrínu og og umbera leikaraskap hennar og innihaldslaus samtöl á kristilegan hátt. En minn betri innri maður heldur því aftur á móti fram að maður eigi ekki að loka gremju sína, vegna undirferlis Katrínar og VG, inni, heldur gera henni skil í heyrenda hljóði og á prenti, annars væri ég að leggja þegjandi samþykki mitt við lágkúrunni og uppskafningshættinum.

En um öll samtölin og orðræðurnar sem Katrín segist hafa átt við ,,aðila" vinnumarkaðarins er víst best að segja sem minnst um, að minnsta kosti þykir verkalýðsforingjunum lítið til þeirra samtala koma og tala um fólk sem aldrei hefir stungið hendi í kalt vatn, kunnáttuleysi og loddarahátt.

[Magnús Sigurðsson, 21.1.2019 kl. 18:53]

Jæja,,, en mér finnst Katrín allavega ekki fallegt gluggaskraut.

[Jóhannes Ragnarsson, 21.1.2019 kl. 19:20]

Ekki mér heldur ...