Jóhannes Ragnarsson

3.2.2019 | 19:31

Hin hvimleiðu frjálshyggjubörn láta enn greipar sópa

Enn á ný hafa frjálhyggjubörnin farið ránshendi um sumarbústaði saklauss fólks og nú kenna skoffínin ,,erlendum karlmanni" um ódæðið. Ekki hefir tekist að hafa upp á þeim erlenda, enda er hann hvurgi tagltækur og tilvist hans ekki fyrir hendi; soleiðis kallmenn finnast aldrei. En árátta frjálshyggjugarmanna er hvimleið, þeim hefir verið kennt að þau eigi allt og megi allt og stóripabbi í Valhöllu muni bjarga öllu fyrir horn ef eitthvað fer úrskeiðis. Svo vaða þau inn í sumarbústaðið og stela öllu steini léttara og halda þar stundum óþverapartý með stórdrykkju, eituráti og andstyggilegu kynferðislífi áður en þau hypja sig á brott.

Komist frjálshyggjubörnin í áfengi í sumarbústað, drekka þau það á svipstundu og síðan velta þau um öll gólf á eftir, yfirleitt með buxurnar niðrum sig og stundum búin að hafa hægðir í bak og fyrir. Einusinni stóð þjóðsagnavarðstjórinn Háfdán fjóra frjálshyggjukrakka að verki og fór heldur ómjúkum höndum um þau og hafa þau ungmenni ekki borið barr sitt síðan. Hálfdán varðstjóri tjóðraði nefnilega frjálshyggjubörnin öll við digra stoð í sumarbústaðnum miðjum. Síðan tók hann eitt og eitt íeinu og fór með það bak við sumarbústaðinn og veitti því meðhöndlun af því tagi, sem fáum hugnast að lenda í og upplifa.

Enn er ekki í augsýn ráð við frjálshyggjubörnum og frjálshyggjusnötum, þrátt fyrir Hrun fyrir tíu árum og ótal innbrot í sumarbústaði og víðar. Alltaf á þetta óbótafólk sér formælendur á æðstu stöðum, allt frá bysskubsstofu til dómsmálaráðuneytis, því tekst aldrei að koma á það böndum og herða svo að, að frjálshyggjuskitan standi eins og spýja aftan úr þeim. Þangað til að viðunandi lausn fæst á frjálshyggjuvandamálinu verðum vér að láta oss nægja að Hálfdán varðstjóri nái einu og einu kvikindi til að svala sér á.