Ráðlegt er, - og útreið auðvaldsbelgsins í flaginu

Ef eg á að segja alveg eins og er, þá aðhyllist eg þvagfræðinga langt umfram hagfræðinga. Einhverju sinni kvað þjóðskáldið: ,,Ráðlegt er að hafa í hakk / hagfræðinga og skítapakk" og fékk bágt fyrir; þjóðskáldið var sem sé svipt listamannalaunum og réttindum til að sækja um í öðrum sjóðum og hnepptur í fangelsi fyrir kviðlinginn. Og ekki nóg með það: Yfirvöldin sendu flagara til eiginkonu þjóðskálsins, meðan það sat inn, til að fífla hana og báru síðan þjóðskáldinu fréttir af skefjalausum hórdómi konunnar með flagaranum.

Hinsvegar eru þvagfræðingar fólki til gagns, þveröfugt við hagfræðingana. Þvagfræðingar taka mönnum, og ekki síður konum, hlansýni til að rannsaka og komast þá stundum að því að hlangjafinn er haldin hættulegum sjúkdómi, til dæmis kynæði eða pervertsisma. Það er nú það. En helvískir hagfræðingarnir eru bara nýtilegir fyrir gráðuga auðvaldsbelgi, sem vilja fá fræðilegan stimpil á fjárglæfrana og ránsskapinn.

Enn í dag stendur mér jafn skýrt fyrir sjónum og hefði það gerst í gær, þótt stinn fjeregtíu ár séu síðan, þegar dauðadrukkinn auðvaldsbelgur í jakkafötum og með hatt velti sér krossbölvandi eins og mannýgur griðungur upp úr moldarflagi, sem strákarnir höfðu leitt hann út í. Þeir néru honum viðstöðulaust upp auðvirðilegum arðráns- og auðvaldsgróðasóttartilburðum hans. Þegar kalltuskan lá á ýstrunni í flaginu, baðandi út skaunkunum án þess að geta rótað sér, minnti hann á skjaldböku eða pöddu sem orðið hefir afvelta. Það eins sem aðgreindi skepnuna frá skjaldbökum og pöddum var hroðafengin munnsöfnuður hans, bölv og heitingar. Svo voru strákarnir búnir að fá nóg af því að láta auðvaldsbelginn skemmta sér, en áður en þeir hurfu af vettvangi sparkaði einn piltanna þéttingsfast í rassboruna á afvelta auðvaldsbelgnum en annar gerði auðvaldshatt mannsins upptækan og hafði hann á brott með sér.   

Ekki búast við sömu vöxtum og í Svíþjóð