Vigdísi varð alvarlega á í messunni; búin að skjóta sig 100 sinnum í fótinn

Veslingurinn hún Vigdís Haukggx stakk heldur betur klónni í rangan þumal er hún hugðist kæra Dag og þau hin fyrir kosningasvindl því henni varð það á fyrir slysni að kæra sjálfa sig fyrir að hafa haft brögð í tafli við borgarstjórnarkosningarnar í Reykjavík í fyrravor. Og fyrst sona tókst til, þá er sýnt að Vigdís verði tekin föst og hneppt í gæsluvarðhald. Nú, það eru afar hörð viðurlög við kosningasvindli, þannig að útlitið er ekki gott hjá Vigdísi. Þó skal tekið fram að einn íslenskur ,,stjórnmálaflokkur", eða sokallaður ,,stjórnmálaflokkur", er undanþegin refsingum þó hann verði uppvís um að hafa haft rangt við og jafnvel hagrætt kosningaúrslitum.

Það var svo sem við því að búast að Vigdís, eyminginn svorni, mundi skjóta sig í fótinn í þessu kosningasvindlsmáli, eins og öðrum málum. Fætur hennar eru hreinlega orðnar útskotnar eftir upphlaup hennar; hún er ekki enn orðin gróin sára sinna eftir braggafimbulfambið og enn skal haldið út í ófæruna. Ef hún verður ekki tekin úr umferð núna verður hún komin á kreik í næstu viku og þá er viðbúið að hún skjóti sig svo skemmtilega í fótinn að hún fjúki fyrir björg. Alveg eins og Sigmundur hennar fauk fyrir björg þegar hann hugðist ganga í klaustur. Já, sá fór nú í hund og kött, drengurinn sá.

En ógæfa og ófarir Vigdísar eru ekki á okkar ábyrgð og nú finnst okkur nóg komið af skemmtun af hennar hálfu. Í því sambandi er rétt að minnast þess, að það eru við skattaborgararnir sem berum hitann og þungann af uppihaldi Vigdísar, hvort heldur hún fremur axarsköft í Ráðihúsi Reykjavíkur elligar er í vist að Kvíabryggju. Og þar sem hennar yndæll ástmögur og klausturjúnkur, Sigmundur Davíð, hefir so ansans ári góð sambönd á Tortólu og sjálfsagt víðar, þá er ekki nema eðlilegt að hann sjái um uppihald kerlingar úr því sem komið er; hann getur áreiðanlega fengið að geyma hana í hundrað og tíu ára leynihólfi í Panama ef hann vill.

Vigdís kærir borgarstjórnarkosningar